مسلمان اپنی نالائقیوں کی وجہ سے اپنا سب کچھ کھو چکے تھے، ہندو اپنی عیاری سے اب انگریز کیساتھ مل گیا تھا،مسلمانوں کیلئے ہر طرح کی مشکلات تھیں

مصنف کا تعارف

مصنف: شہزاد احمد حمید
قسط: 9
حصۂ اوّل

یہ بھی پڑھیں: کمانڈر 12 کور لیفٹیننٹ جنرل راحت نسیم احمد خان اور وزیرِ اعلیٰ بلوچستان کی شہداء کے اہلخانہ سے ملاقات

گلاب لمحوں کے مخمل پہ کھیلتے بچپن

اوّل حصے سے میرے خاندان کی کہانی ہندوستان کے گاؤں سُجان پور سے شروع ہو کر ہجرت کے بعد کے واقعات سناتی میری پیدائش تک جاتی ہے۔

یہ بھی پڑھیں: پنجاب میں کلینک آن وہیل کے لیے جدید گاڑیاں خریدنے کی منظوری، ہیلتھ ڈیپارٹمنٹ میں مانیٹرنگ، رپورٹنگ اینڈ ایلویشن ڈیپارٹمنٹ کا الگ شعبہ قائم کرنے کا فیصلہ

بٹوارے سے پہلے کی حقیقت

اپنی کہانی سنانے سے پہلے میں آپ کو بٹوارے سے قبل ہندوستان کے ضلع پٹھانکوٹ کے گمنام قصبے سجان پور لئے جاتا ہوں جہاں میرے دادا کی حویلی ایکٹر سے زیادہ رقبہ پر تھی۔ یہ غیر تقسیم شدہ ہندوستان ہے جہاں مختلف مذاہب کے لوگ صدیوں سے ایک ساتھ رہ رہے ہیں لیکن یہاں کے اصل باشندوں نے اپنی حاکم قوم یعنی مسلمانوں کو کبھی بھی دل سے قبول نہ کیا تھا۔

یہ بھی پڑھیں: پنجاب میں سیلاب کی تباہ کاریاں جاری، علی پور میں حفاظتی بند ٹوٹ گیا

تاریخی پس منظر

ٹیپو سلطان اور جنگ آزادی 1857ء میں شکست کے بعد ہندوستان انگریز کے قبضے میں چلا گیا تھا۔ ہندو اپنی عیاری سے اب انگریز کے ساتھ مل گیا تھا۔ انہیں کوئی فرق نہ پڑتا تھا کہ پہلے وہ مسلمانوں کے محکوم تھے اور اب انگریز کے۔ دوسری طرف مسلمان اپنی نالائقیوں کی وجہ سے اپنا سب کچھ کھو چکے تھے۔ ہار کر وہ بھی غلام بن گئے تھے ایک ایسی قوم کے جو یہاں تجارت کی غرض سے آئی تھی اور اپنی عیاری و مکاری سے حکمران بن گئی تھی۔

یہ بھی پڑھیں: خیبرپختونخوا حکومت نے وفاقی وزیر عبدالعلیم خان کو خط لکھ دیا

سجان پور کے یار

میں نے سجان پور کی معلومات والد سے اکٹھی کرکے کہیں لکھی تھیں لیکن وہ کاغذ کہیں کھو گیا۔ کچھ باتیں مجھے یاد رہ گئی تھیں۔ میں اپنی یادداشت تازہ کرنے اور کچھ مزید معلومات اکٹھی کرنے ابا جی (ہم سب بہن بھائی اپنے والد کو ابا جی ہی کہہ کر پکارتے تھے۔ لہٰذا میں انہیں ابا جی ہی لکھوں گا) کے واحد حیات دوست انکل سیلم شاہ کو ملنے ان کے گھر پی سی ایس آئی آر لیبارٹری لاہور چلا آیا۔ وہ ماشااللہ عمر کے چھیانوے (96) سال میں ہیں۔ ان کی یادداشت ابھی بھی بلا کی ہے۔

یہ بھی پڑھیں: بانی پی ٹی آئی کیخلاف غداری کی کارروائی کیلئے دائر درخواست واپس لینے کی بنا پر نمٹا دی گئی

انکل سیلم شاہ کی کہانی

گورنمنٹ کالج لاہور کے تعلیم یافتہ ہیں۔ تحریک پاکستان میں حصہ لیا۔ مسلم سٹوڈنٹ فیڈریشن لاہور کے ممبر رہے۔ خوش گفتار، خوش مزاج اور خوش لباس شخصیت ہیں۔ حلقہ ارباب ذوق کی سرگرمیوں میں بھی حصہ لیتے رہے۔ شاعری بھی کرتے تھے۔

یہ بھی پڑھیں: آفریدی نے بھارت سے متعلق خود سے منسوب سوشل پوسٹ کو فیک قرار دیدیا، پوسٹ میں کیا لکھا ہے؟

سجان پور کی جغرافیائی حیثیت

آئیں ان کے ساتھ تقسیم ہند سے قبل کے سجان پور چلتے ہیں؛ “بیٹا! سجان پور کشمیر وادی کا فٹ ہل ہے۔ ضلع گرُداسپور کی تحصیل پٹھانکوٹ کا یہ قصبہ دریائے راوی کے مشرقی کنارے آباد تھا جبکہ دریا کے مغربی کنارے شکر گڑھ کا قصبہ تھا جو اب پاکستان کے ضلع نارووال کی تحصیل ہے۔ دریائے راوی اس علاقے میں پاک بھارت سرحد کا کام بھی کرتا ہے۔”

نوٹ

یہ کتاب ”بک ہوم“ نے شائع کی ہے (جملہ حقوق محفوظ ہیں) ادارے کا مصنف کی آراء سے متفق ہونا ضروری نہیں۔