کراچی؛ بیٹوں نے جائیداد کے لالچ میں ماں کو رسی سے گلا گھونٹ کر قتل کردیا

کراچی میں دلخراش واقعہ

کراچی (ویب ڈیسک) بیٹوں نے جائیداد کے لالچ میں ماں کو رسی سے گلا گھونٹ کر قتل کردیا۔

یہ بھی پڑھیں: پشاور جلسے سے واپسی پر پی ٹی آئی کارکنوں کی گاڑی کو حادثہ، ایک کارکن جاں بحق

ماں کا قتل اور ملزمان کی فرار

ایکسپریس نیوز کے مطابق اورنگی ٹاؤن فقیر کالونی میں 2 سگے بیٹوں نے اپنی حقیقی ماں کو جائیداد کے لالچ میں رسی کی مدد سے گلا گھونٹ کر قتل کردیا اور بعد ازاں فرار ہو گئے۔

یہ بھی پڑھیں: غزہ میں آج 29 فلسطینی شہید، برطانوی لیبر پارٹی کا فلسطین کو تسلیم کرنے کا مطالبہ

پولیس کی کارروائی

مومن آباد تھانے کے علاقے اورنگی ٹاؤن فقیر کالونی، پریشان چوک کے قریب ایک گھر سے خاتون کی تشدد زدہ لاش ملی۔ اطلاع ملنے پر پولیس موقع پر پہنچی اور لاش کو عباسی شہید اسپتال منتقل کیا، جہاں مقتولہ کی شناخت 40 سالہ عزت پری زوجہ میر زادہ کے نام سے کی گئی۔

یہ بھی پڑھیں: ایران کے خلاف محدود فوجی حملے پر غور کر رہا ہوں، ڈونلڈ ٹرمپ

خاندان کی تفصیلات

ایس ایچ او مومن آباد شہباز یوسف کے مطابق، مقتولہ 5 بیٹوں اور 3 بیٹیوں کی ماں تھی۔ 5 ماہ قبل مقتولہ کے شوہر میر زادہ کا انتقال ہوا تھا، جس کے بعد گھر میں جائیداد کے تنازع پر جھگڑے شروع ہوگئے تھے۔

یہ بھی پڑھیں: ہم نے واضح پیغام بھیج دیا ہے” بھارتی وزیر دفاع کا ایسا بیان کہ آپ کی ہنسی نہ رکے

قتل کا منظر

جمعرات کی صبح تقریباً ساڑھے 8 بجے کے قریب، مقتولہ کے سگے بیٹوں خلیل اور مختیار نے اپنے چھوٹے بہن بھائیوں کو گھر سے باہر بھیجا اور رسی کی مدد سے اپنی ماں کا گلا گھونٹ کر قتل کردیا۔ دونوں بھائی سگی ماں کو قتل کرنے کے بعد موقع سے فرار ہو گئے۔

تحقیقات کا آغاز

مقتولہ خاتون کا آبائی تعلق کے پی کے سے تھا۔ پولیس نے جائے وقوع سے خاتون کے قتل میں استعمال کی جانے والی رسی اور دیگر واقعاتی شواہد کی روشنی میں قاتل بیٹوں کی تلاش شروع کردی ہے۔