سپریم کورٹ نے مارگلہ ہلز میں غیر قانونی تعمیرات پر رپورٹ طلب کرلی

سپریم کورٹ کا مارگلہ ہلز میں غیر قانونی تعمیرات پر نوٹس

اسلام آباد(ڈیلی پاکستان آن لائن) سپریم کورٹ نے مارگلہ ہلز میں غیر قانونی تعمیرات قائم ہونے پر سی ڈی اے سے رپورٹ طلب کر لی۔

یہ بھی پڑھیں: If Ali Amin Can Reach the PM House, Why Not D-Chowk? Faisal Vawda

کیس کی سماعت

نجی ٹی وی چینل جیو نیوز کے مطابق سپریم کورٹ کے آئینی بینچ نے مارگلہ ہلز پر غیر قانونی تعمیرات کے کیس کی سماعت کی، جس دوران سی ڈی اے وکیل اور ڈی جی ماحولیات عدالت میں پیش ہوئے۔

یہ بھی پڑھیں: ڈیرہ غازی خان میں سی ٹی ڈی کی کارروائی، 4 دہشتگرد ہلاک

مونال ریسٹورنٹ کا معاملہ

اس موقع پر مونال ریسٹورنٹ کے وکیل نے کہا کہ سپریم کورٹ آئینی بینچ کے حکم پر ہمارے ریسٹورنٹ کو گرا دیا گیا، مگر مارگلہ ہلز میں ابھی 134 کے قریب ہوٹل، ریسٹورنٹس اور کھوکھے قائم ہیں۔ جس پر جسٹس جمال مندوخیل نے کہا کہ مارگلہ ہلز پروٹیکٹڈ ایریا ہے، وہاں ہر قسم کی تعمیرات کو غیر قانونی قرار دیا گیا ہے۔

یہ بھی پڑھیں: بینک آف پنجاب کی طرف سے اربوں روپے کی زائد ادائیگیوں کے دعوؤں کی حقیقت سامنے آگئی

غیر قانونی تعمیرات کی تعداد

جسٹس مظہر نے سوال کیا کہ ابھی کتنی غیر قانونی تعمیرات مارگلہ ہلز میں قائم ہیں؟ وکیل میونسپل کارپوریشن نے بتایا کہ مارگلہ ہلز پر 80 سے 132 تعمیرات باقی ہیں، جبکہ مارگلہ ہلز نیشنل پارک میں اسلام آباد کلب بھی آجاتا ہے۔

یہ بھی پڑھیں: وہ مسلم ملک جو ترکی اور اسرائیل میں خاموشی سے سفارتکاری کر رہا ہے۔

سی ڈی اے کی ذمہ داری

اس موقع پر جسٹس نعیم نے کہا کہ 1960 کے ماسٹرپلان میں سپریم کورٹ بھی مارگلہ نیشنل پارک کی حدود میں تعمیر ہوا، سی ڈی اے پہلے مونال کے اطراف میں غیر قانونی تعمیرات کو دیکھ لے۔ جسٹس جمال مندوخیل نے سوال کیا کہ کیا سپریم کورٹ کا فیصلہ صرف مونال کے لئے تھا؟ عدالت نے مارگلہ ہلز میں تعمیرات سے متعلق اصول طے کر دیا ہے، سی ڈی اے اپنا کام کیوں نہیں کرتا؟ جسٹس مسرت نے کہا کہ سی ڈی اے عدالتی احکامات کی خلاف ورزی کیوں کر رہا ہے؟

یہ بھی پڑھیں: مردِ آہن سمجھا جانے والا روسی جیمز بونڈ: افریقی ملک میں گرفتار ہونے والا یہ ایجنٹ کون ہے؟

ماحولیاتی مسائل

ڈی جی ماحولیات نے عدالت کو بتایا کہ مارگلہ ہلز میں ابھی 50 سے زائد کھوکھے چل رہے ہیں جو ماحولیاتی مسائل کا سبب بن رہے ہیں، عدالتی احکامات میں کھوکھوں کو گرانے سے روک دیا گیا تھا۔

آئینی بینچ کی کارروائی

بعد ازاں آئینی بینچ نے سی ڈی اے سے مارگلہ ہلز میں غیر قانونی تعمیرات پر رپورٹ طلب کر لی۔