کراچی: جعلی ڈگری پر امریکا جانے والی خاتون کو 6 سال قید کی سزا

جوڈیشل مجسٹریٹ کا فیصلہ

کراچی(ڈیلی پاکستان آن لائن) جوڈیشل مجسٹریٹ جنوبی کی عدالت نے جعلی ڈگری کی بنیاد پر امریکہ جانے والی پریانکا دیوی سمیت 4 ملزمان کے خلاف کیس میں تحریری فیصلہ جاری کیا ہے۔ عدالت نے ملزمہ کو مجموعی طور پر 6 سال کی سزا سنادی۔

یہ بھی پڑھیں: سانحہ 9 مئی کے مجرمان کے اعترافی بیانات سامنے آگئے

جرمانے کی تفصیلات

نجی ٹی وی چینل آج نیوز کے مطابق عدالت نے ملزمہ پر 45 ہزار روپے جرمانہ بھی عائد کیا۔ اس کے علاوہ، عدالت نے شریک ملزمان مریم، امان، اور راشد کو 2،2 سال قید کی سزا سنائی، اور ہر ایک پر 20 ہزار روپے جرمانہ بھی عائد کیا۔ عدالت نے چاروں ملزمان کی ضمانتیں منسوخ کرتے ہوئے انہیں جیل بھیجنے کا حکم دیا۔

عدالت کی آبزرویشن

عدالت کی آبزرویشن میں کہا گیا کہ "جعلی ڈگری اور تعلیمی اسناد معاشرے کے لیے خطرہ ہیں" اور یہ کہ "جعلی ڈگریاں ڈگری ہولڈرز اور تعلیمی اداروں کے لیے خطرہ ہیں۔"