گھی اور کوکنگ آئل کی قیمتوں میں اضافہ مگر کتنا؟ جانئے

گھی اور کوکنگ آئل کی قیمتوں میں اضافہ

لاہور (ویب ڈیسک) دو ماہ کے دوران گھی اور کوکنگ آئل کی قیمتوں میں 20 فیصد تک اضافہ ریکارڈ کیا گیا۔ اوپن مارکیٹ کے بعد یوٹیلٹی سٹوز پر بھی خوردنی تیل کے دام بڑھ گئے۔

یہ بھی پڑھیں: لاہور سے سیلاب کا خطرہ اب ٹل چکا ہے، ڈی جی پی ڈی ایم اے

مہنگائی اور حکومتی دعوے

سماءٹی وی کے مطابق ایک طرف مہنگائی میں کمی کے حکومتی دعوے تو دوسری طرف اشیا خوردونوش کی قیمتوں میں اضافہ دیکھا جارہا ہے، گھی اور کوکنگ آئل کی قیمتوں بے قابو ہوگئی۔

یہ بھی پڑھیں: آئی پی ایل فرنچائز راجستھان رائلز نے 13سالہ کرکٹر کو اپنی ٹیم کے لیے خرید لیا

فیصل آباد میں قیمتوں کی صورت حال

فیصل آباد میں گھی کی فی کلو قیمتوں میں 30 روپے سے لے کر 120 روپے جبکہ کوکنگ آئل میں 50 روپے سے لے کر 100 روپے تک کا اضافہ ہوا ہے، جس سے لوگوں کا بجٹ پھر سے متاثر ہونے لگا۔

بین الاقوامی مارکیٹ کا اثر

ڈیلرز کے مطابق انٹرنیشنل مارکیٹ میں را میٹریل مہنگا ہونے سے قیمتوں میں اضافہ ہوا ہے، یوٹیلٹی اسٹورز پر بھی گھی کی فی کلو قیمت میں 40 جبکہ کوکنگ آئل کی قیمت میں 55 روپے تک کا اضافہ ہوا ہے۔