278 کی لاشیں کہاں ہیں جن کے بارے میں کہا گیا تھا کہ قتل کیا گیا ہے، رانا ثناءاللہ کا استفسار

رانا ثناء اللّٰہ کا بیان

اسلام آباد(ڈیلی پاکستان آن لائن) وزیر اعظم کے مشیر برائے سیاسی امور رانا ثناء اللّٰہ خان نے کہا ہے کہ جو لوگ جیلوں میں ہیں ان کی رہائی عدالتوں سے ہونی ہیں۔ انہوں نے سوال کیا کہ 278 کی لاشیں کہاں ہیں جن کے بارے میں کہا گیا تھا کہ قتل کیا گیا ہے۔

یہ بھی پڑھیں: وائس چیئرپرسن اوورسیز پاکستانی کمیشن بیرسٹر امجد ملک سے سینیٹر ڈاکٹر غوث محمد خان نیازی کی ملاقات

مزید گفتگو

جیو نیوز کے پروگرام میں گفتگو کرتے ہوئے رانا ثناء نے کہا کہ ہم نے مذاکرات کا دروازہ بند نہیں کیا، پی ٹی آئی مذاکراتی ٹیم کہتی ہے کہ صرف دو معاملات پر بات کرنی ہے۔

یہ بھی پڑھیں: پی ٹی آئی کے ابابیلوں کی تلخ پسپائی۔۔۔تحریکوں کو جھٹکے لگتے رہتے ہیں

سیاسی گفتگو کی پیشکش

رہنما مسلم لیگ ن نے کہا کہ اگر پی ٹی آئی سیاسی گفتگو کرنا چاہتی ہے تو وہ کرے، ہم اس کے لیے تیار ہیں۔ مذاکرات کی مشروط پیشکش کے بعد بات چیت کیسے ہو سکتی ہے؟

سول نافرمانی کی تحریک

رانا ثناء نے مزید کہا کہ اگر سول نافرمانی کی تحریک چلائی گئی ہے تو وہ بری طرح ناکام ہوگی۔ انہوں نے یہ بھی کہا کہ فیصل واوڈا کے ساتھ ہمدردی ہے، کچھ لوگ سسٹم کے لاڈلے ہوتے ہیں، ان سے گھبراہٹ نہیں ہونی چاہیے۔ وہ لاڈلے سسٹم کے اوپر نہیں جا سکتے، اگر سسٹم کے اوپر جائیں گے تو ان کو سزا بھی ملتی ہے۔