آئی ایم ایف سے پیٹرولیم مصنوعات پر سیلز ٹیکس لگانے کی کوئی بات نہیں ہو رہی، سینیٹر محمد اورنگزیب

معاشی بہتری کے لیے آئی ایم ایف سے بات چیت

کراچی (آئی این پی) وفاقی وزیر خزانہ سینیٹر محمد اورنگزیب نے کہا ہے کہ آئی ایم ایف سے پیٹرولیم مصنوعات پر سیلز ٹیکس لگانے کی کوئی بات نہیں ہو رہی۔ حکومت کی مفید پالیسیوں کی بدولت ملک میں معیشت کی حالت بہتر ہو رہی ہے، مہنگائی میں بتدریج کمی دیکھی جارہی ہے۔

یہ بھی پڑھیں: اداکارہ حمیرا اصغر کی لاش برآمدگی کا معاملہ، ہیئرڈریس دانش مقصود کی 5 فروری 2025 کی پوسٹ وائرل

میکرو اکنامک استحکام کی اہمیت

میکرواکنامک استحکام آنے سے ملک کو فائدہ ہوتا ہے، تجارت اور سرمایہ کاری کے فروغ کے لیے اقدامات ناگزیر ہیں۔ حکومت کسی کی بھی ہو، معاشی ترقی کے لیے پالیسیوں کا تسلسل ضروری ہے۔ ان خیالات کا اظہار انہوں نے کراچی میں چیمبر آف کامرس کی تقریب سے خطاب کرتے ہوئے کیا۔

یہ بھی پڑھیں: پوپ فرانسس کی موت، نیا پاپائے روم کون ہوگا؟ 4 نام سامنے آگئے

زرعی اور ریٹیل سیکٹر میں اصلاحات

انہوں نے کہا کہ زرعی اور ریٹیل سیکٹر کو بھی ٹیکس نیٹ میں آنا ہوگا۔ اسٹیٹ بینک کی جانب سے سرمایہ کاروں کے اعتماد بڑھنے کی رپورٹ معیشت کے لیے مثبت اشارہ ہے۔ تجارت اور سرمایہ کاری کو فروغ دینا ناگزیر ہے۔

یہ بھی پڑھیں: خیبرپختونخوا حکومت نے سرکاری ملازمین کی پی ٹی ایم جلسے میں شرکت پر پابندی لگا دی

نجی شعبے کا کردار

انہوں نے کہا کہ نجی شعبے کا ملکی ترقی میں اہم کردار ہے۔ پرائیوٹ سیکٹر کو ترقی دینی ہے، یہی شعبہ معیشت کو مستحکم کرنے میں معاونت کرے گا۔ بزنس کانفیڈنس سروے جلد ریلیز کیا جائے گا۔

یہ بھی پڑھیں: مودی سرکار کی ’’پراپیگنڈہ فیکٹریاں‘‘ سرگرم، صدر ٹرمپ کو نشانے پر لے لیا

شرح سود میں کمی کا اثر

شرح سود میں کمی کا فائدہ براہ راست سرمایہ کاروں کو ہوتا ہے، شرح سود میں کمی کا فیصلہ اسٹیٹ بینک نے کرنا ہے، تاہم افراط زر کم ہو رہی ہے۔ محمد اورنگزیب نے کہا کہ اب تک ہمارے اقدامات سے سرمایہ کاروں کا حجم بڑھتا دکھائی دے رہا ہے۔

یہ بھی پڑھیں: حج آپریشن شروع، پہلی پرواز اسلام آباد سے 428 عازمین کو لیکر مدینہ منورہ پہنچ گئی

برآمدات کی اہمیت

انہوں نے کہا کہ جو لوگ بھی کام کر رہے ہیں، اس میں برآمدات کا عنصر ضرور مد نظر رکھیں۔ معاشی استحکام تو آچکا لیکن اسے آگے کیسے بڑھایا جائے گا، اس کے لیے ہمیں برآمدات پر فوکس کرنا ہوگا۔

یہ بھی پڑھیں: طارق فاطمی کی روسی وزیر خارجہ سے ملاقات، وزیراعظم کا پیوٹن کے لیے خط پہنچایا

سیاسی استحکام کے فوائد

وزیر خزانہ نے کہا کہ معاشی ترقی کے لیے سیاسی استحکام ضروری ہے۔ غیر ملکی سرمایہ کاری آرہی ہے، آرامکو اور دیگر غیر ملکی کمپنیوں نے حال ہی میں سرمایہ کاری کی ہے۔

یہ بھی پڑھیں: لاہور میں پاکستان کے جدید ترین ٹریفک سگنل لگا دیے گئے، ٹریفک کا کنٹرول پیدل چلنے والوں کے ہاتھ میں آگیا

اسمگلنگ کی روک تھام کے اقدامات

محمد اورنگزیب نے کہا کہ اسمگلنگ پر قابو پایا جارہا ہے۔ حکومت نے پٹرولیم مصنوعات اور سگریٹس کی اسمگلنگ کو قابو کرنے کے لیے ٹھوس اقدامات کیے ہیں۔

یہ بھی پڑھیں: سندھ حکومت کے بیانات پرعظمیٰ بخاری کا رد عمل بھی آ گیا

معاشی شفافیت کی اہمیت

انہوں نے کہا کہ سیلز ٹیکس، انکم ٹیکس میں خامیوں یا کرپشن کو روکنے کے لیے ڈیجیٹلائزیشن کی جانب جارہے ہیں، اس حوالے سے ڈیٹا سے مدد لی جارہی ہے۔

یہ بھی پڑھیں: امریکہ نے ثالثی کا کردار ادا کرنے کیلئے کوئی رابطہ نہیں کیا: عرفان صدیقی

عوام کی معیشتی حالت میں بہتری

محمد اورنگزیب کا مزید کہنا تھا کہ مہنگائی میں کمی سے عوام کو فائدہ ہو رہا ہے، غذائی اشیا، ٹرانسپورٹ کی قیمتیں کم ہو رہی ہیں۔

ملکی مصنوعات کا فروغ

تمام ملٹی نیشنل کمپنیاں ملک میں بہتر زرمبادلہ کما رہی ہیں۔ میڈ ان پاکستان پروڈکٹس کو عالمی سطح پر متعارف کرانا ہوگا۔