آئی پی پیز سے مذاکرات ، ایک اور کمپنی سے معاملات طے پا گئے

مذاکرات کا نتیجہ

لاہور (آئی این پی) انڈیپینڈنٹ پاور پروڈیوسر (آئی پی پیز) سے مذاکرات کے نتیجے میں ایک اور کمپنی سے معاملات طے پا گئے ہیں۔

یہ بھی پڑھیں: قیادت کو رائے دوں گا خیبرپختونخوامیں گورنر راج اچھا فیصلہ نہیں ہو گا، رانا ثنا اللہ کا بیان

سیف پاور لمیٹڈ کی منظوری

ذرائع وزارت توانائی کے مطابق، آئی پی پی سیف پاور لمیٹڈ کے بورڈ نے حکومت کے ساتھ ترمیم شدہ پاور پرچیز معاہدوں پر عمل درآمد کی منظوری دے دی۔ موجودہ ٹیرف کو ٹاسک فورس کی تجویز کردہ ٹیرف پر نظر ثانی کی گئی ہے۔ سیف پاور کمپنی ہائبرڈ ٹیک اینڈ پے ٹیرف معاہدے پر عمل کی پابند ہوگی۔ کمپنی نے پاکستان اسٹاک ایکسچینج کو آگاہ کر دیا ہے، جبکہ دیگر پاور مالکان سے بات چیت آخری مراحل میں داخل ہو چکی ہے۔

یہ بھی پڑھیں: قصبہ میمفس فرعونوں کا دارالحکومت ہوا کرتا تھا، پانی بھرے کھیتوں اور کھجوروں کے جھنڈ میں تیرتے نظر آتے یہ کھنڈرات پراسرار منظر پیش کر رہے تھے.

مزید معاہدوں کی توقع

وزارت توانائی کے ذرائع کا کہنا ہے کہ 31 دسمبر تک مزید معاہدے سامنے آئیں گے۔ یہ پیش رفت ایسے وقت میں سامنے آئی ہے جب حکومت مالی چیلنجوں سے نمٹنے اور بجلی کے شعبے کو ہموار کرنے کے لیے آئی پی پیز کے ساتھ معاہدوں پر نظر ثانی یا پھر انہیں ختم کرنے کی کوشش کر رہی ہے۔ شرائط و ضوابط کے تحت ترمیمی معاہدے کا اطلاق یکم نومبر 2024 سے ہوگا۔

سیف پاور لمیٹڈ کا تعارف

سیف پاور لمیٹڈ 11 نومبر 2004 کو پاکستان میں ایک پبلک لمیٹڈ کمپنی کے طور پر قائم ہوئی۔ اس کی ملکیت میں 225 میگاواٹ کی گنجائش والا کمبائنڈ سائیکل پاور پلانٹ ہے، جسے چلانا، دیکھ بھال کرنا اور اس سے پیدا شدہ بجلی سینٹرل پاور پرچیزنگ ایجنسی گارنٹی لمیٹڈ (سی پی پی اے-جی) کو فروخت کرنا اس کی ذمہ داری ہے۔