خیبرپختونخوا کے فنڈز کو ذاتی تشہیر کیلئے استعمال کرنا شرمناک ہے: عظمیٰ بخاری

صوبائی وزیر کا تنقید کا نشانہ

لاہور (ڈیلی پاکستان آن لائن) صوبائی وزیر اطلاعات و نشریات عظمیٰ بخاری نے کہا ہے کہ خیبر پختونخوا کے فنڈز کو اپنے ذاتی فوٹو سیشن اور تشہیر کے لئے استعمال کرنا شرمناک ہے۔

یہ بھی پڑھیں: اسرائیل غزہ میں 60 روزہ جنگ بندی پر تیار ہوگیا، امریکی صدر کا دعویٰ

سابق خاتون اول بشریٰ بی بی پر تنقید

عظمیٰ بخاری نے سابق خاتون اول بشریٰ بی بی کو تنقید کا نشانہ بناتے ہوئے کہا کہ بشریٰ بی بی کس حیثیت سے لوگوں میں چیک تقسیم کر رہی ہیں؟ موصوفہ کہتی ہیں، "میں بھاگی نہیں اکیلی کھڑی رہی" جبکہ بھاگنے میں تو آپ نے ورلڈ ریکارڈ قائم کیا ہوا ہے۔

یہ بھی پڑھیں: یحییٰ آفریدی اپنی باری پر چیف جسٹس بنیں، ابھی عہدہ قبول نہ کریں: حامد خان کی اپیل

بشریٰ بی بی کے بارے میں سوالات

انہوں نے کہا کہ بشریٰ بی بی خیبرپختونخوا سے جو لاکھوں کا لشکر لے کر آئی تھیں، وہ کہاں گیا یہ بھی قوم کو بتائیں؟ 5 اکتوبر کے فیڈریشن پر حملے پر کے پی سرکار کا 81 کروڑ روپے خرچہ آیا، جبکہ 24 نومبر کی تیسری ناکام بغاوت پر اطلاعات کے مطابق 2 ارب سے زائد خرچ ہوئے ہیں۔

یہ بھی پڑھیں: تجارتی جنگ میں شدت، چین پر ٹیرف 245 فیصد کردیا گیا

بھاگنے کی کہانی

لیگی رہنما کا کہنا تھا کہ 26 نومبر کی رات ساڑھے 10 بجے بشریٰ بی بی کو ڈی چوک سے بھاگتے ہوئے پوری قوم نے دیکھا، پورا میڈیا گواہ ہے کہ رات سوا گیارہ بجے تک ڈی چوک کلیئر تھا، بشریٰ بی بی خود کلثوم پلازہ سے آگے نہیں گئیں۔

یہ بھی پڑھیں: سپین میں پاکستانی کمیونٹی کے مسائل کے حل کے لیے سوشلسٹ پارٹی کے رہنماؤں سے ملاقات

بشریٰ بی بی کی گاڑی پر حملہ

عظمیٰ بخاری نے کہا کہ ان کے اپنے ورکرز نے بشریٰ بی بی کے فرار ہونے پر ان کی گاڑی پر پتھر اور ڈنڈے مارے تھے، اور ان کے اپنے ورکرز نے ان کی گاڑی کے ٹائر پنکچر کئے۔ سی سی ٹی وی فوٹیج موجود ہے جس میں بشریٰ بی بی گاڑی تبدیل کرکے بھاگیں۔

عدالت میں عدم پیشی

انہوں نے مزید کہا کہ بشریٰ بی بی سرکاری مال پر عیاشی کر رہی ہیں لیکن جب عدالت بلائے تو بیمار ہو جاتی ہیں، اور دس سماعتوں سے بشریٰ بی بی گرفتاری کے خوف سے عدالت میں پیش نہیں ہو رہیں۔