صحافیوں کو فارم نہیں پلاٹ بھی دیں گے : صدر فاﺅنڈرز گروپ آصف بٹ کا اہم اعلان

لاہور میں فاﺅنڈرز گروپ کا اجلاس

لاہور (ڈیلی پاکستان آن لائن) صحافیوں کے گروپ "فاﺅنڈرز گروپ" کے سربراہ آصف بٹ نے کہا ہے کہ "فارم نہیں پلاٹ دیں گے"۔ گزشتہ روز فاﺅنڈرز گروپ کا اجلاس ہوا جس میں پرنٹ اور الیکٹرانک میڈیا سے تعلق رکھنے والے صحافیوں نے بڑی تعداد میں شرکت کی۔ اجلاس میں شعبہ صحافت بالخصوص صحافیوں کی حالت زار پر خصوصی طور اظہار رائے کیا گیا۔

یہ بھی پڑھیں: پی ایس ایل، لاہور قلندرز نے اسلام آباد یونائیٹڈ کو 88 رنز سے شکست دے دی

پریس کلب کے انتخابات 2025

اجلاس کے بعد فاﺅنڈرز گروپ اور سینئر صحافیوں نے پریس کلب کے انتخابات 2025ء کے لیے فاﺅنڈرز گروپ کی بھرپور حمایت اور انتخابی مہم چلانے کا اعلان کیا۔

یہ بھی پڑھیں: عمران خان اور بشریٰ بی بی کیخلاف 190 ملین پاؤنڈز ریفرنس کی سماعت آج ہوگی

آصف بٹ کا انقلابی اعلان

صدر فاﺅنڈرز گروپ آصف بٹ نے اس موقع پر اعلان کیا کہ فاﺅنڈرز گروپ صحافیوں کو فارم نہیں بلکہ پلاٹ دے گا۔ بلکہ کوشش کریں گے کہ انہیں چھت ڈالنے کے لیے بھی وسائل فراہم کیے جائیں۔ ہم صرف پریس کلب کے ممبرز کے مفادات کے لیے ہی کام نہیں کریں گے بلکہ الیکٹرانک و پرنٹ میڈیا کے وہ تمام شعبے جو صحافیوں سے براہ راست منسلک ہوتے ہیں لیکن وہ پریس کلب کے ممبر نہیں ہیں، ان کے لیے بھی چھت فراہم کرنے کے لیے دن رات ایک کر دیں گے۔ اس موقع پر انہوں نے میڈیا ہاﺅسنگ سوسائٹی کا وزٹ کرانے کا اعلان بھی کیا۔

یہ بھی پڑھیں: پنجاب اسمبلی کے اسپیکر سیلاب سے نقصان کا تخمینہ لگانے کے لیے بااختیار کمیٹی بنانے کا فیصلہ

خاور نعیم ہاشمی کا نقطہ نظر

قبل ازیں خاور نعیم ہاشمی نے کہا کہ آصف بٹ نے تمام صحافیوں کی فلاح و بہبود کے لیے ہر ممکن حد تک پہنچ کر کام کیا ہے۔

ای ایپی ایمپلائیز ایسوسی ایشن کا بیان

صدر اے پی پی ایمپلائیز ایسوسی ایشن رانا عبدالرحمن نے کہا کہ آصف بٹ کو ہمیشہ صحافی اور کارکن دوست پایا۔ ہم فاﺅنڈرز گروپ کی کامیابی کے لیے صرف دعا ہی نہیں عملی کوشش بھی کریں گے۔