محمود غزنوی کی طرح حملے کرتے رہیں گے، علی امین گنڈا پور کا بیان

سول نافرمانی کی تحریک کا فیصلہ

ڈی آئی خان(ڈیلی پاکستان آن لائن) وزیراعلیٰ خیبر پختونخوا علی امین گنڈاپور کا کہنا ہے کہ ابھی سول نافرمانی کی تحریک کا فیصلہ نہیں ہوا۔

یہ بھی پڑھیں: سابق وزیر اعظم نتائج سے مکمل آگاہ تھے اس کے باوجود ریاستی مفاد کے خلاف فیصلے کیے: بلال اظہر کیانی

حملوں کی شدت

ڈیرہ اسماعیل خان میں میڈیا سے گفتگو کرتے ہوئے علی امین گنڈاپور کا کہنا تھا کہ ڈی چوک میں ہمارے کارکنوں پر سیدھی فائرنگ کی گئی، حکومت نے دفعہ 245 لگا کر ہمارے لوگوں کا قتل کرایا۔ 12 ورکرز شہید اور 107 ورکرز کا ابھی تک پتہ نہیں ہے۔

یہ بھی پڑھیں: امریکی صدر کے انتخاب میں کلیدی کردار ادا کرنے والی سات ریاستیں

میڈیا کا کردار

علی امین نے کہا کہ میڈیا نے ہمارے شہداء کے جنازے نہیں دکھائے، لاپتہ ورکرز سے متعلق تحفظات ہیں۔ ہزاروں کارکن گرفتار اور زخمی ہیں۔ کارکنوں کا خون رائیگاں نہیں جائے گا۔

یہ بھی پڑھیں: فوڈ ڈیلیوری بوائے کو اٹھک بیٹھک کروانے کے بعد گولی مار کر قتل کردیا گیا

مزاحمت کی تیاری

ان کا کہنا تھا کہ پانی پت جنگ کی طرح حملے کریں گے۔ 5 حملے ہم نے کر لیے ہیں، جس طرح محمود غزنوی نے 17 حملے کیے ہم بھی اسی طرح حملے جاری رکھیں گے۔

یہ بھی پڑھیں: بھارت کو ٹیسٹ سیریز میں شکست دے کر جنوبی افریقہ کے کپتان نے ایک اور تاریخ رقم کردی

پشتونوں کا کردار

انہوں نے کہا کہ کشمیر کی آزادی میں پشتونوں کا کردار تھا، پشتون کشمیر آزاد کراتے ہیں تو ٹھیک اور اپنی آزادی کے لیے لڑیں تو غلط؟ فرنٹ لائن پر لڑتے ہیں اور لڑیں گے، ہم شیر ہیں اور شیر رہیں گے۔

سیاسی صورتحال

وزیراعلیٰ کے پی کا کہنا تھا کہ پیپلزپارٹی اور ن لیگ نے مل کر گیم کی ہے، یہ ملک کے اندر نفرتیں پھیلا کر خانہ جنگی کرانا چاہتے ہیں۔ حکومت نے ہمارا مینڈیٹ چوری کیا ہوا ہے۔