معمولی سی بات پر جھگڑے نے تین افراد کی جان لے لی

اٹک (ڈیلی پاکستان آن لائن) - تھانہ بسال کی حدود میں تلخ کلامی کے نتیجے میں فائرنگ کے واقعے میں باپ، بیٹا اور ایک اور شخص ہلاک ہوگئے۔ جیونیوز کی رپورٹ کے مطابق، یہ واقعہ کھنڈا چوک میں پیش آیا جہاں ایک گاڑی میں سواری بٹھانے پر تلخ کلامی ہوئی۔

جیسے ہی تلخ کلامی میں شدت پیدا ہوئی، ملزمان نے فائرنگ کر دی اور موقع سے فرار ہوگئے۔ پولیس کے مطابق، اس فائرنگ کے نتیجے میں ایک ٹیکسی ڈرائیور، اس کا بیٹا اور ایک اور شخص جان کی بازی ہار گئے۔