ملک کے بالائی علاقوں میں بارش اور پہاڑوں پر برفباری کا امکان

بارش اور برف باری کی پیشگوئی

سکردو(ڈیلی پاکستان آن لائن) ملک کے بالائی علاقوں میں آج رات بارش اور پہاڑوں پر برف باری کا امکان ہے جبکہ چند مقامات پر ژالہ باری بھی متوقع ہے۔ ملک میں سب سے کم درجہ حرارت لیہہ میں منفی دس ریکارڈ کیا گیا۔

یہ بھی پڑھیں: سعودی عرب میں خوفناک ٹریفک حادثے میں 7 پاکستانی عمرہ زائرین جاں بحق

محکمہ موسمیات کی رپورٹ

محکمہ موسمیات کے مطابق ملک کے بیشتر علاقوں میں موسم سرد اور خشک جبکہ بالائی علاقوں اور شمالی بلوچستان میں شدید سرد رہے گا۔ بالائی خیبر پختونخوا، گلگت بلتستان، کشمیر، بالائی پنجاب، خطہ پوٹھوہار اور اسلام آباد میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ ہلکی سے درمیانی بارش اور پہاڑوں پر برفباری کی بھی توقع ہے۔ اس دوران چند مقامات پر ژالہ باری کا بھی امکان ہے۔

یہ بھی پڑھیں: پاکستانی کیریئر مینٹور معصومہ اعجاز کو یونائیٹڈ نیشنز بنکاک میں گلوبل پیس ایوارڈ سے نوازا گیا

درجہ حرارت کی رپورٹ

سب سے کم درجہ حرارت لیہہ میں منفی دس ریکارڈ۔ اسکردو منفی نو، قلات منفی سات، گوپس منفی چھ، استور، گلگت، کالام میں منفی پانچ رہا۔ بگروٹ، ہنزہ، دیر میں درجہ حرارت منفی تین، کوئٹہ میں منفی دو اور مالم جبہ میں منفی ایک ڈگری سینٹی گریڈ ریکارڈ کیا گیا۔

ہوا کی کوالٹی کا جائزہ

انوائرنمنٹل پروٹیکشن ایجنسی کی جانب سے اسلام آباد میں ایئر کوالٹی انڈیکس ایک سو چونسٹھ ریکارڈ کیا گیا جو مضر صحت ہے۔