شام میں بشارالاسد کا 24 سالہ اقتدار ختم، باغی گروہ کے سربراہ کا بیان بھی سامنے آگیا

شام میں نئے سیاسی منظرنامے کی شروعات

دمشق(ڈیلی پاکستان آن لائن) شامی فوجی کمانڈ نے اعلان کیا ہے کہ شام میں صدر بشار الاسد کا 24 سالہ دور ختم ہو گیا۔

یہ بھی پڑھیں: کالا باغ ڈیم پر آصف زرداری کو کیا ڈیل آفر کی گئی تھی اور چھ نہروں کے معاملے کا کیا بنے گا؟ حامد میر نے تہلکہ خیز دعویٰ کر دیا

بشار الاسد کا دور ختم

غیر ملکی خبر ایجنسی کے مطابق شامی فوجی کمانڈ کا کہنا ہے کہ صدر بشارالاسد کا 24 سالہ دور اختتام پذیر ہو چکا ہے۔ صدر بشار الاسد کے ملک سے فرار ہونے کے بعد باغی گروپ تحریر الشام کے سربراہ ابو محمد الجولانی نے اعلان کیا ہے کہ پُرامن انتقال اقتدار تک سابق وزیراعظم محمد غازی الجلالی تمام ریاستی اداروں کی قیادت کریں گے۔

یہ بھی پڑھیں: سموگ کم ترین سطح پر ہے، نومبر میں نیلا آسمان نظر آنا کامیاب پالیسیوں کا ثبوت ہے: مریم اورنگزیب

کیمیائی ہتھیاروں کا عدم استعمال

شامی باغی گروہ نے یہ واضح کیا ہے کہ کسی بھی صورت شام میں موجود کیمیائی ہتھیار استعمال نہیں کیے جائیں گے۔

یہ بھی پڑھیں: ڈونلڈ ٹرمپ کی تقریب حلف برداری، ایمازون اور میٹا نے ایک ایک ملین ڈالر دینے کا اعلان کردیا

اسرائیلی فوج کی حرکتیں

عرب میڈیا کے مطابق اسرائیلی فوج کے ٹینک اور بکتر بند جنوب مغربی شام کی قنیطرہ گورنری میں داخل ہو گئے ہیں۔ عبرانی میڈیا آؤٹ لیٹ نے رپورٹ کیا ہے کہ اسرائیلی فوج سرحدی دفاع کو مضبوط بنانے کے لئے قنیطرہ کے بفر زون میں داخل ہوئی ہے۔

یہ بھی پڑھیں: پٹواریوں کی آسامیوں پر غیر متعلقہ افراد کے کام کرنے کے خلاف کیس میں اسٹیبلشمنٹ ڈویژن اور وزارت داخلہ کو اسسٹنٹ اٹارنی جنرل سے ملاقات کی ہدایت

شامی باغیوں کی حکمت عملی

اس سے قبل اطلاعات ملی تھیں کہ شامی باغیوں نے مشق کے دوران وزارت داخلہ، ائیرپورٹ، اور سرکاری ٹی وی کی عمارت پر قبضہ کر لیا ہے۔

وزیراعظم کا بیان

شام کی صورتحال کے حوالے سے وزیراعظم محمد غازی الجلالی نے کہا کہ میں اپنے گھر میں موجود ہوں اور عوام کی منتخب کردہ کسی بھی قیادت سے تعاون کے لئے تیار ہوں۔