ایک اداکار نے شادی کی منتیں کرکے تھک جانے کے بعد آئمہ بیگ، حمیرا چنا کا نمبر مانگا، شازیہ منظور

شازیہ منظور کا دلچسپ انکشاف

لاہور(ڈیلی پاکستان آن لائن)گلوکارہ شازیہ منظور نے انکشاف کیا ہے کہ ایک اداکار ایک ماہ تک انہیں شادی کے لیے منتیں کرتے رہے لیکن ان کے انکار کے بعد اداکار نے ان سے آئمہ بیگ، حمیرا چنا اور حمیرا ارشد میں سے کسی کا نمبر مانگا۔

یہ بھی پڑھیں: جنگ بندی کیسے ہوئی؟ بھارت سے کون امریکہ اور سعودی عرب سے مدد مانگنے بھاگا؟ تہلکہ خیز دعویٰ

ٹی وی پروگرام میں شرکت

شازیہ منظور حال ہی میں ’سنو ٹی وی‘ کے پروگرام میں شریک ہوئیں، جہاں انہوں نے مختلف معاملات پر کھل کر گفتگو کی۔شادی سے متعلق پوچھے گئے سوال پر بات کرتے ہوئے شازیہ منظور نے کہا کہ انہوں نے تاحال شادی نہیں کی لیکن وہ جلد ہی رشتہ ازدواج میں بندھ جائیں گی۔

یہ بھی پڑھیں: وزیراعلیٰ پنجاب کا کرپشن زیرو مشن

میزبان کے سوالات پر ردعمل

پروگرام کے دوران شادی کی بات پر انہوں نے میزبان کے سوالوں پر مزاحیہ انداز میں غصے کا اظہار بھی کیا اور کہا کہ وہ شادی سے متعلق باتوں پر بات نہیں کرنا چاہتیں، جب وہ شادی کریں گی تو اس کا اعلان کریں گی۔

یہ بھی پڑھیں: لاہور ہائیکورٹ،ڈانس پارٹی کے ملزمان کی ویڈیو وائرل ہونے پر تھانیدار نے معافی مانگ لی

شادی کی افواہیں

پروگرام کی میزبان نے ان سے مزاحیہ انداز میں پوچھا کہ انہیں معلوم ہوا ہے کہ گلوکارہ نے شادی کرلی اور ان کے نکاح میں شریک ہونے والے ایک شخص نے انہیں خبر دی۔اس پر شازیہ منظور نے کہا کہ ان کے نکاح میں شریک ہونے کا دعویٰ کرنے والے شخص کو سامنے لایا جائے، جس پر میزبان اور گلوکارہ ہنس پڑیں۔

یہ بھی پڑھیں: اسلام آباد ہائیکورٹ کے احاطہ میں ویڈیو ریکارڈنگ پر پابندی، سرکلر جاری

شادی کا اعلان

پروگرام میں بات کرتے ہوئے شازیہ منظور نے عندیہ دیا کہ وہ جلد ہی رشتہ ازدواج میں بندھ جائیں گی اور شادی کا باضابطہ پہلے ہی اعلان کریں گی۔

یہ بھی پڑھیں: ہانیہ عامر نے حج کی سعادت حاصل کرلی، تصاویر وائرل

ایک دلچسپ واقعہ

شازیہ منظور نے پروگرام میں ایک قصہ سنایا کہ کچھ عرصہ قبل پشاور کے ایک اداکار مسلسل ایک ماہ تک انہیں شادی کے میسیجز کرتے رہے، ان سے اظہار محبت بھی کرتے رہے۔گلوکارہ کے مطابق انہوں نے اداکار کے میسیجز کا کوئی جواب نہیں دیا، وہ صرف میسیجز پڑھتی تھیں۔

یہ بھی پڑھیں: منشیات کے مقدمے میں ملزم کی درخواست ضمانت؛ آئی جی پنجاب 11 اپریل کو طلب

اداکار کی درخواست

انہوں نے بتایا کہ ایک ماہ بعد منتیں کرنے والے اداکار تھک گئے اور انہیں میسیج کیا کہ اگر آپ نے شادی نہیں کرنی تو نہ کریں لیکن وہ آئمہ بیگ، حمیرا ارشد یا حمیرا چنا میں سے کسی گلوکارہ کا نمبر انہیں دے دیں۔

گلوکارہ کی مسکراہٹ

شازیہ منظور نے مسکراتے ہوئے کہا کہ ایک ماہ تک اداکار ان سے محبت کی باتیں بھی کرتا رہا لیکن تھک جانے کے بعد اس نے دوسری گلوکاراؤں کے نمبرز مانگنا شروع کیے۔گلوکارہ نے شادی کی پیش کش کرنے والے اداکار کا نام نہیں بتایا، تاہم کہا کہ ان کا تعلق پشاور سے ہے۔