اسلام آباد ایئرپورٹ پر مسافر سے تقریباً ڈیڑھ کلو آئس برآمد، کہاں چھپا رکھی تھی؟ جانئے

اسلام آباد ایئر پورٹ پر منشیات کی سمگلنگ کی کوشش ناکام

اسلام آباد (آئی این پی) اسلام آباد انٹرنیشنل ایئرپورٹ پر اے ایس ایف نے منشیات بیرون ملک سمگل کرنے کی کوشش ناکام بنا کر ملزم کو گرفتار کرلیا۔

یہ بھی پڑھیں: عدلیہ کی بحالی اور کارکنوں کی آزادی تک جدوجہد جاری رہےگی، عمران خان

پرواز کی بریفنگ کے دوران چھان بین

اے ایس ایف حکام کے مطابق دوحہ جانے والی پرواز کی بریفنگ جاری تھی کہ محمد جان نامی مسافر کے سامان کی چیکنگ کے دوران اے ایس ایف عملے نے سامان میں منشیات کی موجودگی کی نشاندہی کی۔

یہ بھی پڑھیں: راولپنڈی میں میٹرو بس سروس 4 روز کیلئے بند کرنے کا فیصلہ

منشیات کی برآمدگی

عملے کی جانب سے سامان کھولا گیا تو بیگ میں رکھے واسکٹ میں مہارت سے چھپائی گئی ایک کلو 332 گرام آئس برآمد ہوئی۔ جس پر منشیات کو قبضے میں لے کر ملزم کو گرفتار کر لیا گیا۔

قانونی کارروائی

حکام کا کہنا تھا کہ ملزم کو ابتدائی تفتیش کے بعد مزید قانونی کارروائی کے لیے برآمد شدہ منشیات کے ساتھ اے این ایف حکام کے حوالے کر دیا گیا ہے جہاں اس سے مزید تفتیش جاری ہے۔