کراچی میں ایک شخص مسجد کی چھت سے گر کر جاں بحق

واقعہ کی تفصیلات
کراچی (ڈیلی پاکستان آن لائن) اورنگی ٹاؤن لیاقت چوک کے قریب مسجد کی چھت سے گر کر ایک شخص جاں بحق ہوگیا۔
یہ بھی پڑھیں: سابق ٹیسٹ کرکٹر محمد یوسف قومی ٹیم کی کوچنگ سے بھی الگ ہوگئے
حادثے کی جگہ اور متاثرہ فرد
تفصیلات کے مطابق پاکستان بازار کے علاقے اورنگی ٹاؤن لیاقت چوک، پہلوان ہوٹل کے قریب گلی نمبر 15 میں واقع مسجد کی چھت سے گر کر زخمی ہونے والا شخص جناح ہسپتال میں دوران علاج زخموں کی تاب نہ لاتے ہوئے دم توڑ گیا۔
یہ بھی پڑھیں: کراچی کے سکول میں پہلی اے آئی روبوٹ ٹیچر نے پڑھانا شروع کردیا
متوفی کی شناخت
پولیس کے مطابق جاں بحق ہونے والے شخص کی شناخت 60 سالہ محمد ایوب ولد امانت شاہ کے نام سے کی گئی۔ وہ اتوار کی شام مسجد کی چھت پر کام کے دوران گر کر زخمی ہوا تھا۔ جسے طبی امداد کے لیے عباسی شہید ہسپتال لے جایا گیا تھا۔
یہ بھی پڑھیں: آصف زرداری کا پاوں میں چوٹ آنے سے دورہ چین موخر
طبی سہولیات کی عدم فراہمی
لیکن عباسی شہید ہسپتال میں طبی سہولیات کی عدم فراہمی کے باعث انہیں جناح اسپتال منتقل کر دیا گیا، جہاں وہ زخموں کے باعث جانبر نہ ہو سکے۔
قانونی کارروائی
جاں بحق ہونے والے شخص کے ورثا نے قانونی کارروائی کرانے سے انکار کر دیا۔ پولیس نے ضابطے کی کارروائی کے بعد لاش ورثا کے حوالے کر دی۔