بانی پی ٹی آئی کسی شخص یا ادارے نہیں پاکستان کا نقصان چاہتے ہیں: شرجیل میمن

شرجیل انعام میمن کا عمران خان پر الزام

کراچی( ڈیلی پاکستان آن لائن ) صوبائی وزیر شرجیل انعام میمن نے کہا ہے کہ بانی پی ٹی آئی عمران خان کسی شخص یا ادارے کا نہیں بلکہ پاکستان کا نقصان چاہتے ہیں۔

یہ بھی پڑھیں: شہداء چوک نے صدر حسنی مبارک کیخلاف شاندار انقلاب کے حوالے سے مقبولیت حاصل کی،یہاں لاکھوں لوگوں نے دھرنا دیا اور شہید ہوئے.

پریس کانفرنس کی تفصیلات

کراچی میں پریس کانفرنس کرتے ہوئے صوبائی وزیر شرجیل انعام میمن کا کہنا تھا کہ بانی پی ٹی آئی نے آج تک جو جو حرکت کی وہ ان کی اپنی خواہش نہیں، بانی پی ٹی آئی کو کہیں سے نوٹس آتے ہیں۔ دھرنے کی کال حکومت کا نہیں عوام کا نقصان ہے، 126 دن کے دھرنے میں بھی انہوں نے سول نافرمانی کی کال دی تھی۔

یہ بھی پڑھیں: آواران میں سینئر صحافی لطیف بلوچ کو اپنے گھر میں قتل کردیا گیا

سازش کا اشارہ

شرجیل میمن کا کہنا تھا کہ بانی پی ٹی آئی نے لوگوں کو کہا کہ حوالہ ہنڈی کے ذریعے پیسے بھیجیں، انہوں نے بجلی کے بل پھاڑے تھے، یہ صرف اور صرف سازش ہے۔ انہوں نے کہاکہ ڈیفنس پراڈکٹس کا بائیکاٹ کیا جائے، بانی پی ٹی آئی کسی اور کی سازش پر چل رہے ہیں، بانی پی ٹی آئی نہیں چاہتے کسی ادارے میں استحکام ہو۔

یہ بھی پڑھیں: ایک اداکار نے شادی کی منتیں کرکے تھک جانے کے بعد آئمہ بیگ، حمیرا چنا کا نمبر مانگا، شازیہ منظور

پاکستان کا نقصان

انہوں نے کہا کہ بانی پی ٹی آئی باری باری ہر ادارے کو ٹارگٹ کررہے ہیں، ان کا ٹارگٹ کوئی سیاستدان یا ادارہ نہیں ان کا ٹارگٹ پاکستان ہے، یہ ملک کا نقصان چاہتے ہیں۔ مجھے نہیں پتہ بانی پی ٹی آئی کی جان کو خطرہ ہے یا نہیں، فیصل واوڈا بہت علم رکھتے ہیں کیونکہ وہ اسلام آباد میں بیٹھے ہیں۔

فیصل واوڈا کی تعریف

پی پی رہنما کا مزید کہنا تھا کہ فیصل واوڈا سینیٹر، اچھے اور نفیس آدمی ہیں اور اچھی سیاست کررہے ہیں، فیصل واوڈا چاہیں تو کسی بھی سیاسی پارٹی کے سربراہ سے مل سکتے ہیں۔