سینیٹ کا اجلاس بھی طلب، اپوزیشن نے اہم فیصلہ کر لیا

صدر زرداری کا اجلاس طلب کرنا

اسلام آباد (ڈیلی پاکستان آن لائن) صدر مملکت آصف علی زرداری نے قومی اسمبلی کے بعد سینیٹ کا اجلاس بھی طلب کر لیا ہے۔ قومی اسمبلی کا اجلاس آج شام 5 بجے ہوگا جبکہ صدر نے سینیٹ اجلاس کل (بدھ کو) شام 4 بجے طلب کیا ہے۔

یہ بھی پڑھیں: وزیر اعلی مریم نواز اور آئی جی پنجاب کیخلاف اربوں روپے کا ہرجانہ کیس دائر، بڑی خبرآگئی

سپیکر اور چیئرمین سینٹ کی مشاورتی کمیٹیاں

"جنگ" کے مطابق قومی اسمبلی اور سینیٹ اجلاس سے قبل سپیکر سردار ایاز صادق اور چیئرمین سینٹ سید یوسف رضا گیلانی کی زیر صدارت ہاؤس بزنس مشاورتی کمیٹیوں کے اجلاس بھی طلب کیے گئے ہیں، جس میں دونوں ایوانوں کے پارلیمانی بزنس پر بات چیت ہوگی۔

اپوزیشن کی اجلاس میں شرکت

دونوں ایوانوں میں اپوزیشن نے 24 نومبر کے احتجاج کے حوالے سے معاملات زیر بحث لانے کا فیصلہ کیا ہے۔ دونوں ایوانوں کے ہنگامہ خیز اجلاس کو پرسکون بنانے کے لیے حکومت اپوزیشن سے رابطے جاری رکھے ہوئے ہیں۔