پاک چین دوستی فولاد کی طرح مضبوط اور آزمودہ ہے: مریم نواز

پاک چین دوستی کی مضبوطی

بیجنگ (ڈیلی پاکستان آن لائن) وزیراعلیٰ پنجاب مریم نواز نے کہا ہے کہ پاک چین دوستی فولاد کی طرح مضبوط اور آزمودہ ہے۔

یہ بھی پڑھیں: سونا مزید مہنگا، قیمت پہلی بار 3 لاکھ 40 ہزار 6 سو روپے کی بلند ترین سطح پر پہنچ گئی

ملاقات کا پس منظر

وزیر اعلیٰ پنجاب مریم نواز نے بیجنگ میں کمیونسٹ پارٹی آف چائنہ کے انٹرنیشنل ڈیپارٹمنٹ کے منسٹر لیو جیان چاو سے ملاقات کی۔ مریم نواز نے پرتپاک خیر مقدم کرنے پر منسٹر لیو جیان چاو کا شکریہ ادا کیا اور کمیونسٹ پارٹی آف چائنہ کی دور اندیش قیادت کو سراہا۔

یہ بھی پڑھیں: دوحہ میں اسرائیلی حملہ: حماس قیادت محفوظ، خلیل الحیہ کا بیٹا اور معاون مارے گئے

چینی قیادت کا کردار

ملاقات کے دوران گفتگو کرتے ہوئے، وزیراعلیٰ پنجاب مریم نواز نے کہا کہ چینی لیڈرشپ نے چین کو عالمی طاقت کے طور پر ابھرنے میں رہنمائی فراہم کی، پاک چین تعلقات کے فروغ میں کمیونسٹ پارٹی آف چائنہ کا کردار کلیدی حیثیت رکھتا ہے۔

یہ بھی پڑھیں: پاکستان میں آزادانہ زندگی گزاری، اب فضا ہے کہ افغان مہاجرین اپنے ملک واپس جائیں، افغان قونصل جنرل

پاک چین کمیونٹی کی تشکیل

انہوں نے کہا کہ پاک چین کمیونٹی کی تشکیل میں عوامی سطح پر بڑھتے ہوئے رابطے اہم کردار ادا کر رہے ہیں۔ پاک چین دوستی علاقائی اور بین الاقوامی سیاست کے نشیب و فراز سے متاثر نہ ہونے والا پائیدار تعلق ہے، دوطرفہ سٹرٹیجک پارٹنر شپ ہر موسم کے گرم و سرد سے بالا تر ہے۔

یہ بھی پڑھیں: پاکستان میں رواں ہفتے گرمی کا عالمی ریکارڈ بن سکتا ہے: امریکی اخبار نے خبردار کر دیا

چین کے تجربات سے فائدہ

مریم نواز کا کہنا تھا کہ لوکل گورننس اور دیہی ترقی کے لیے چین کے تجربات سے فائدہ اٹھانا چاہتے ہیں۔ یوتھ امپاورمنٹ اور استعداد میں اضافے کے لیے چین کے تعاون کو سراہیں گے، ووکیشنل ٹریننگ پروگرام کے سلسلے میں چین سے بھرپور تعاون چاہتے ہیں۔ بڑھتے ہوئے عوامی روابط اور ثقافتی تعلقات شاہراہ ریشم کا ورثہ اور میراث ہے۔

یہ بھی پڑھیں: کوئٹہ: آسمان پر خوبصورت رنگ برنگی روشنیوں کا ہالہ دیکھا گیا

ثقافتی روابط کی اہمیت

ان کا مزید کہنا تھا کہ چین اور پنجاب کے ثقافتی روابط کے لیے پائیدار اقدامات کریں گے، پاک چین تعلقات کی میراث کو پروان چڑھانے کے لیے نوجوان نسل پر توجہ دینا ہو گی۔

شکریہ کا تبادلہ

کمیونسٹ پارٹی آف چائنہ کے انٹرنیشنل ڈیپارٹمنٹ کے منسٹر لیو جیان چاو نے وزیر اعلیٰ مریم نواز کا شکریہ ادا کیا جبکہ وزیر اعلیٰ مریم نواز نے شاندار میزبانی پر منسٹر لیو جیان چاو سے اظہار تشکر کیا۔