خیبرپختونخوا حکومت گورنر کے ساتھ ملکر پارا چنار کے مسئلے پر بیٹھے:اعظم تارڑ کا مشورہ

وفاقی وزیر قانون کا مشورہ

اسلام آباد(ڈیلی پاکستان آن لائن) وفاقی وزیرقانون اعظم نذیر تارڑ نے مشورہ دیا ہے کہ خیبرپختونخوا حکومت گورنر کے ساتھ مل کر پارا چنار کے مسئلے پر بیٹھے۔

یہ بھی پڑھیں: بنگلہ دیش کے خلاف ٹی20 سیریز، کون سے کھلاڑیوں کو ڈراپ کیے جانے کا امکان ہے؟ ممکنہ نام سامنے آ گئے

پارا چنار کی صورتحال

وفاقی وزیر قانون اعظم نذیر تارڑ کا قومی اسمبلی میں اظہار خیال کرتے ہوئے کہنا تھا کہ پارا چنار میں جو کچھ ہو رہا ہے، پوری قوم اس پر رنجیدہ ہے۔ صوبائی حکومت کو وفاق نے ہر طرح کے تعاون کی یقین دہانی کرائی ہے۔

یہ بھی پڑھیں: روایتی اسٹامپ پیپرز ختم؛ حکومت نے نیا نظام نافذ کر دیا

صوبائی حکومت کی ذمہ داری

انہوں نے کہا کہ خیبرپختونخوا میں آل پارٹیکنفرنس میں علی امین گنڈا پور نے شرکت نہیں کی۔ وزیر اعلیٰ خیبرپختونخوا وفاق کو خط، دھمکیاں دینے کے بجائے فوری طور پر امن و امان کے لیے اقدامات کریں۔

آئینی فریم ورک میں امن و امان

اعظم نذیر تارڑ کا مزید کہنا تھا کہ خیبرپختونخوا حکومت گورنر کے ساتھ مل کر پارا چنار کے مسئلے پر بیٹھے، آئینی فریم ورک میں امن و امان کا مسئلہ صوبائی معاملہ ہے۔