وقت رضوان کے ہاتھوں سے پھسل چکا ہے

ماضی قریب میں پاکستان کی ٹی ٹوئنٹی فتوحات پر نظر ڈالیں تو بابر اعظم اور محمد رضوان کی کامیاب ساجھے داری ایک اہم رجحان کے طور پر سامنے آتی ہے۔ لیکن پاکستان کی ٹی ٹوئنٹی ناکامیوں میں بھی یہ ساجھے داری قابل ذکر رہی ہے۔

شاید یہ غیر معمولی جنوبی افریقی حالات میں نوجوان بیٹنگ آرڈر کا تحفظ ایک سوچا سمجھا منصوبہ تھا کہ ماضی کی ساجھے داری کی طرف لوٹنے کا فیصلہ کیا گیا، اور ایک بھاری ہدف کے تعاقب میں وہ دو پاکستانی بلے باز اننگز کی ابتداء کے لیے آئے جن کا سٹرائیک ریٹ ہمیشہ زیر بحث رہا ہے۔

ٹی ٹوئنٹی کرکٹ میں سٹرائیک ریٹ کا تو بڑا کردار ہوتا ہے، لیکن یہ سچ ہے کہ کھیل صرف سٹرائیک ریٹ کے گرد ہی نہیں گھومتا بلکہ اننگز میں ایسے مرحلے آتے ہیں جہاں تجربہ اور تحمل ناگزیر ہوتے ہیں۔

اس بحث کی کوئی خاص اہمیت نہیں کہ یہ دونوں تجربہ کار بلے باز ٹی ٹوئنٹی میں پاکستان کی ضرورت ہیں یا نہیں، لیکن یہ بھی بات ہمیشہ زیر غور رہی ہے کہ پاور پلے میں دونوں اینکرز کی اوپننگ کیا دیرپا کامیابی کی بنیاد بن سکے گی۔

اگر پاکستان کا مقصد صائم ایوب کو نئی گیند سے محفوظ رکھنا تھا تو یہ کوشش futile ثابت ہوئی کیونکہ انہیں جلد ہی کریز پر آنا پڑا۔ بلکہ انہوں نے اپنی مختصر لیکن متحرک اننگز سے پاکستانی ٹیم کو اتنا اعتماد فراہم کیا کہ پاور پلے کا بھرم برقرار رہا۔

مگر صائم کی یہ کوشش بھی شاہین آفریدی کی عزم کے مانند ناکافی ثابت ہوئی۔

ڈربن میں ایک بار پھر وہ شاہین آفریدی دیکھنے کو ملے جنھیں پہلے اوور میں وکٹیں لینے کی وجہ سے جانا جاتا ہے۔ اُن کی رفتار پہلے جیسے لوٹی ہوئی نظر آئی اور ان کا ڈسپلن قابل تعریف تھا۔ پہلے ہی اوور میں انہوں نے پاکستان کو برتری حاصل کرنے کا راستہ دکھایا۔

انگلینڈ کے خلاف دوسرے ٹیسٹ میچ میں ڈراپ کیے جانے کے بعد جو وقت شاہین کو ٹیم سے دور گزارنے کا ملا، وہ پچھلے ایک سال کے آف فیلڈ واقعات کے اثرات کو بھی کم کر گیا اور ٹیسٹ کرکٹ سے عارضی دوری نے بھی کچھ نفسیاتی استحکام فراہم کیا ہوگا۔

اِس جنوبی افریقی دورے پر جہاں دیگر تمام پاکستانی ستارے ٹیسٹ سیریز کا حصہ ہوں گے، وہیں شاہین صرف چھ وائٹ بال میچز کھیل کر وطن لوٹ چکے ہوں گے۔ اس لیے اُن کے پاس اس دورے پر اپنی بہترین کرکٹ پیش کرنے کے لیے محض چھ دن ہیں۔

پہلے دن کا بہترین فائدہ اٹھاتے ہوئے انہوں نے جنوبی افریقی ٹاپ آرڈر کی کہانی کو مختصر کر دیا۔ ساتھ ہی ابرار احمد کا پہلا سپیل بھی بہت کامیاب رہا اور پروٹیز کی اننگز ابتدا میں ہی مشکلات کا سامنا کرنے لگی۔

مگر پاکستان ڈیوڈ ملر کے لیے تیار نہیں تھا۔

وقت رضوان کے ہاتھوں سے پھسل چکا ہےوقت رضوان کے ہاتھوں سے پھسل چکا ہے

ملر نے پہلی گیند سے ہی جو عزم ظاہر کیا، وہ اس کمزور ہوتی پروٹیز اننگز کا چہرہ سنوارنے تک ساتھ دینے لگا۔ شاہین آفریدی کے دوسرے سپیل نے پاکستان کو میچ میں واپسی کی نوید تو دی لیکن پھر جارج لنڈہ نے حکومت کی اور پاکستان اُن کے خلاف بھی تیار نہ تھا۔

ملر کی طوفانی اننگز نے رضوان کے حساب کتاب یوں اتھل پتھل کیے کہ ڈیتھ اوورز میں پاکستان کی ساری ترتیب ہی بگڑ گئی۔

اگرچہ پاکستانی بولنگ پاور پلے کی عمدگی کے بعد مڈل اوورز میں ڈگمگائی، مگر عباس آفریدی کے نتیجہ خیز سپیل نے پھر بھی پاکستان کو اس خطرناک ہندسے سے محفوظ کیے رکھا جس کے تعاقب میں پاکستانی بیٹنگ لڑکھڑا سکتی تھی۔

لیکن سفیان مقیم کے آخری اوور میں لنڈہ کی یلغار نے جنوبی افریقی مجموعے کو وہاں تک پہنچا دیا جس کا تصور شاید خود اس کے لیے بھی محال تھا۔ بہر کیف یہ مجموعہ ایسا خطیر پھر بھی نہ تھا کہ پاکستانی بلے بازوں کے لیے کوئی جواز دے پاتا۔

دو اینکرز سے اننگز کھولنے کا فیصلہ بھلے رضوان کا اپنا ہو، بھلے یہ عاقب جاوید کا ہو، کسی واضح منطق سے عاری تھا کہ اگر صائم ایوب پاور پلے کی پانچ مزید گیندیں کھیل پاتے تو یقیناً پاکستانی اننگز کا کچھ بھلا ہی ہوا ہوتا۔

وقت رضوان کے ہاتھوں سے پھسل چکا ہے

اور پھر اسی فیصلے کی طرح شاہین آفریدی کو عرفان خان سے پہلے بیٹنگ کے لیے بھیجنا بھی مضحکہ خیز تھا۔ بلاشبہ عرفان خان بہت باصلاحیت بلے باز ہیں جو ڈیتھ اوورز میں اپنی پاور ہٹنگ سے میچ کی سمت بدل سکتے ہیں، مگر انھیں بھی یہ جادو جگانے کو کریز پر کچھ وقت درکار ہوتا ہے۔

پاکستان نے یہ وقت اُن کی بجائے شاہین آفریدی سے کسی انہونی کی امید میں خرچ کر دیا۔

دوسری جانب، تیسری وکٹ گرنے کے بعد رضوان پر طاری خوابیدگی مزید گہری ہو گئی اور جس خول میں وہ پاکستانی اننگز کو لے گئے، جب تک وہاں سے نکلنے کو عزم میسر آیا، تب تک وقت ہاتھوں سے پھسل چکا تھا۔

وقت رضوان کے ہاتھوں سے پھسل چکا ہے

Related Articles

Back to top button
Doctors Team
Last active less than 5 minutes ago
Vasily
Vasily
Eugene
Eugene
Julia
Julia
Send us a message. We will reply as soon as we can!
Mehwish Hiyat Pakistani Doctor
Mehwish Sabir Pakistani Doctor
Ali Hamza Pakistani Doctor
Maryam Pakistani Doctor
Doctors Team
Online
Mehwish Hiyat Pakistani Doctor
Dr. Mehwish Hiyat
Online
Today
08:45

اپنا پورا سوال انٹر کر کے سبمٹ کریں۔ دستیاب ڈاکٹر آپ کو 1-2 منٹ میں جواب دے گا۔

Bot

We use provided personal data for support purposes only

chat with a doctor
Type a message here...