10 دسمبر تک حج درخواستیں جمع کرانے والے تمام 79 ہزار عازمین کامیاب قرار

حج عازمین کی کامیابی کی اطلاع

اسلام آباد (ڈیلی پاکستان آن لائن) وزارتِ مذہبی امور نے 10 دسمبر تک درخواستیں جمع کروانے والے تمام 79 ہزار عازمین حج کو کامیاب قرار دے دیا۔

یہ بھی پڑھیں: گزشتہ شب خارجیوں کے خلاف ٹارگٹڈکارروائی میں 60 سے 70 خوارج ہلاک ہوگئے، وفاقی وزیراطلاعات

درخواستوں کی وصولی میں توسیع

نجی ٹی وی چینل دنیا نیوز کے مطابق، ترجمان مذہبی امور نے بتایا کہ گزشتہ ایک ہفتے کی توسیع کے دوران 10 ہزار سے زائد نئی درخواستیں جمع ہوئیں۔ عازمینِ حج کے اصرار پر چند ہزار خالی نشستوں پر "پہلے آئیے پہلے پائیے" کی بنیاد پر درخواستوں کی وصولی جاری رکھنے کا فیصلہ کیا گیا۔ وزارت مذہبی امور کے مطابق حج کوٹے کی تکمیل پر درخواستیں روکنے کا اعلان کیا جائے گا۔

یہ بھی پڑھیں: ملک بھر میں طوفانی بارشیں، حادثات میں 5 افراد جاں بحق

کمپیوٹرائزڈ رسید کی اہمیت

وزارت مذہبی امور نے نئے حج درخواست گزاروں کو ہدایت کی ہے کہ درخواست جمع کروانے کے بعد متعلقہ بینک سے کمپیوٹرائزڈ رسید ضرور حاصل کریں۔ ترجمان کے مطابق کمپیوٹرائزڈ رسید پر درج تاریخ اور وقت کے لحاظ سے "پہلے آئیے پہلے پائیے" کا فیصلہ کیا جائے گا۔

یہ بھی پڑھیں: صدر مملکت آصف علی زرداری سے سعودی سفیر نواف بن سعید المالکی کی اہم ملاقات

سپانسرشپ حج سکیم

سپانسرشپ حج سکیم بھی "پہلے آئیے پہلے پائیے" کی بنیاد پر جاری رہے گی۔

آئندہ کی ہدایات

ترجمان نے مزید بتایا کہ سرکاری کوٹہ مکمل ہونے پر حج واجبات کی دوسری قسط کی تاریخ کا اعلان کیا جائے گا۔ عازمینِ حج نئی ہدایات جیسے کہ باقی حج واجبات کا شیڈول، تربیت، اور پروازوں کی اطلاع کے لیے اپنے سمارٹ فون پر "پاک حج موبائل ایپ" کا استعمال لازمی کریں۔