حکومت نے سنجیدہ مذاکرات نہ کئے تو 14 دسمبر سے سول نافرمانی کا اعلان ہوگا، شوکت یوسفزئی

پی ٹی آئی کا سول نافرمانی کا انتباہ

پشاور(ڈیلی پاکستان آن لائن)پی ٹی آئی کے رہنما شوکت یوسفزئی نے حکومت کو سنجیدہ مذاکرات نہ کرنے کی صورت میں سول نافرمانی کی وارننگ دے دی۔

یہ بھی پڑھیں: مارکیٹ بیس بھرتیاں، خیبرپختونخوا میں تنخواہوں کے سلیب کی پالیسی منظور، کن لوگوں کو 9 لاکھ روپے تک تنخواہ ملے گی؟ نئی پالیسی جاری

حکومت سے مذاکرات کی ضرورت

نجی ٹی وی چینل جیو نیوز کے مطابق ایک بیان میں شوکت یوسفزئی نے کہا کہ حکومت نے سنجیدہ مذاکرات نہ کئے تو 14 دسمبر سے سول نافرمانی کا اعلان ہوگا۔ پی ٹی آئی نے احتجاج اور مذاکرات کیلئے حکمت عملی وضع کرلی ہے۔ نتیجہ خیز مذاکرات تک احتجاج کا سلسلہ جاری رہے گا۔

یہ بھی پڑھیں: معروف کرکٹر کے چھوٹے بھائی نے ایک بار عدالت لگا کر کتے کو پھانسی کی سزا سنائی کہ وہ رات کو بے وقت بھونکتا ہے، کیسی کیسی حماقتیں تھیں ہماری

مشترکہ تحریک کا ارادہ

دوسری جانب پی ٹی آئی رہنما اسد قیصر کا کہنا تھا کہ مولانا فضل الرحمان کے ساتھ رابطے میں ہیں اور چاہتے ہیں کہ حکومت کے خلاف مشترکہ تحریک چلائی جائے۔ انہوں نے مزید کہا کہ تحریک انصاف نے یوم شہدا پروگرام کی تاریخ 13 دسمبر سے بڑھا کر 15 دسمبر کردی ہے۔ شہدا اور زخمیوں کا پورا ڈیٹا قوم کے سامنے لایا جائے گا۔

متضاد دعوے اور تنازع

واضح رہے کہ پی ٹی آئی رہنماؤں کی جانب سے کارکنوں کی ہلاکت کے حوالے سے متضاد دعوے کئے جارہے ہیں۔ اس سے قبل پی ٹی آئی چیئرمین بیرسٹر گوہر اور اپوزیشن لیڈر ایوب خان کی جانب سے 12 کارکنوں کی شہادت کی تصدیق کی گئی تھی۔