جناح ہاؤس حملہ تفتیش: عمران خان کی بھانجی مجرم اور 8 کارکن بے گناہ قرار

جے آئی ٹی کی تفتیش کے نتائج

لاہور(ڈیلی پاکستان آن لائن) جناح ہاؤس حملہ سے متعلق جے آئی ٹی نے تفتیش میں حسان نیازی کی بہن، عمران خان کی بھانجی کو مجرم اور 8 کارکنوں کو بے گناہ قرار دے دیا۔

یہ بھی پڑھیں: جعلی ہیلووین پریڈ کے اعلان نے ڈبلن کی گلیوں میں افراتفری مچادی

انسداد دہشت گردی عدالت میں سماعت

انسداد دہشت گردی عدالت کے ایڈمن جج منظر علی گل کے روبرو جناح ہاؤس حملہ اور جلاو گھیراو کے مقدمے کی سماعت ہوئی، جس میں جے آئی ٹی نے اپنی تفتیش میں خواتین سمیت 8 پی ٹی آئی کارکنوں کو بے گناہ قرار دے دیا۔

یہ بھی پڑھیں: بھارتی شخص نے دوست سے بیوی کا ریپ کروا ڈالا

بے گناہ قرار دیے گئے افراد

جے آئی ٹی کی تفتیش میں توصیف خانم، سعدیہ ایوب، ثروت شاہد، نادرہ عمر، وحید الرحمٰن، ساجد پرنس، بلال فرحانہ اور فاروق کو بے گناہ قرار دیا گیا ہے، جس کے بعد ملزمان کے وکلاء کی عبوری ضمانت واپس لینے کی استدعا پر عدالت نے ضمانت کی درخواستوں کو خارج کر دیا۔

یہ بھی پڑھیں: کے پی کے عوام کو لائف انشورنس فراہم کرنے کا انقلابی منصوبہ منظور کیا ہے: بیرسٹر سیف

قصور وار قرار دیے گئے افراد

جے آئی ٹی نے اپنی تفتیش میں حسان نیازی کی بہن حاجرہ نیازی کو مجرم قرار دیا۔ تفتیش میں سیدہ فاطمہ حیدر، بینا ذیشان، رخسانہ نوید کو قصور وار پایا گیا۔

یہ بھی پڑھیں: فون آ رہے ہیں، ہمارا نام ترامیم والے سینیٹرز رکھ دیا گیا ہے، سینیٹر دنییش کمار

عبوری ضمانت کی نئی تاریخ

انسداد دہشت گردی عدالت نے حاجرہ نیازی سمیت دیگر کی عبوری ضمانت میں 15 جنوری تک توسیع کر دی اور حاجرہ نیازی سمیت دیگر ملزمان کی ضمانت پر دلائل طلب کر لیے۔

والد کی عدالت میں حاضری

دوران سماعت حاجرہ نیازی کے والد حفیظ اللہ نیازی بھی عدالت میں بیٹی کے ساتھ پیش ہوئے۔ ان کے علاوہ خواتین سمیت دیگر ملزمان بھی عبوری ضمانت کی حاضری کے لیے عدالت میں موجود تھے۔