سولر پینل سکیم وزیراعلیٰ کا فلیگ شپ پروگرام ہے: عظمیٰ بخاری

وزیر اطلاعات پنجاب کی ٹیکنالوجی کی ترقی کیلئے اہم باتیں

لاہور (ڈیلی پاکستان آن لائن) وزیر اطلاعات پنجاب عظمیٰ بخاری نے کہا ہے کہ سولر پینل سکیم وزیراعلیٰ کا فلیگ شپ پروگرام ہے۔

سموگ کے چیلنجز اور اقدامات

اپنے ایک بیان میں عظمیٰ بخاری کا کہنا تھا کہ پنجاب کیلئے بہت ساری اچھی خبریں ہیں۔ وزیراعلیٰ کے دورے میں دو تین چیزیں اہم تھیں، سموگ سے ہم سب لڑ رہے ہیں۔ سموگ سے لاہور، پشاور، کراچی سمیت پورا پاکستان متاثر ہے۔ وزیراعلیٰ مریم نواز سموگ کے حل کیلئے چین کے ساتھ کام کرنا چاہتی تھیں۔

بجلی کی پیداوار کا مستقبل

انہوں نے کہا کہ کوڑے سے کس طرح بجلی بنائی جا سکتی ہے، اور کیسے استعمال میں لایا جا سکتا ہے، وزیراعلیٰ نے یہ بھی دیکھا کہ سولر پروگرام کو آگے لے جانے کیلئے دنیا کی بڑی کمپنیوں سے بات چیت ہوگی۔

انویسٹمنٹ کانفرنس کی تیاری

ان کا کہنا تھا کہ پنجاب کیلئے ایک انویسٹمنٹ کانفرنس شروع ہونے جا رہی ہے، کانفرنس میں دنیا کی بڑی بڑی کمپنیز شریک ہوں گی۔

انڈسٹری میں ترقی کے اقدامات

صوبائی وزیر اطلاعات نے مزید کہا کہ پنجاب میں انڈسٹری سے متعلق بڑے اقدامات ہونے جا رہے ہیں۔ ہم تین بہت بڑے ایم او یوز بینک آف پنجاب کے ساتھ سائن کرنے جا رہے ہیں، انویسٹمنٹ کانفرنس سے بہت ساری فیلڈ میں بڑی کمپنیاں سرمایہ کاری کریں گی۔