ٹاپ بیورو کریسی کیلئے اچھی خبر آ گئی

اسلام آباد میں بیوروکریسی کیلئے خوشخبری

اسلام آ باد ( خصوصی رپورٹ ) ٹاپ بیوروکریسی کیلئے اچھی خبر آ گئی۔

ہائی پاور سلیکشن بورڈ کا اجلاس

تفصیلات کے مطابق گریڈ 21 سے 22 میں ترقی کیلئے ہائی پاور سلیکشن بورڈ کا اجلاس اگلے ہفتے وزیر اعظم شہباز شریف کی زیرصدارت ہو گا۔

سنٹرل سلیکشن بورڈ کی خبر

جنگ نے ذرائع کے حوالے سے بتایا ہے کہ اسٹیبلشمنٹ ڈویژن نے وزیر اعظم آفس کو درخواست کی ہے کہ چونکہ سنٹرل سلیکشن بورڈ کا اجلاس 23 دسمبر سے شروع ہو رہا ہے جس میں گریڈ 19 اور 20 کے افسروں کو اگلے گریڈ میں ترقی دی جائے گی۔

اسٹیبلشمنٹ ڈویژن کا مؤقف

اسٹیبلشمنٹ ڈویژن کا مؤقف ہے کہ سنٹرل سلیکشن بورڈ کے اجلاس سے قبل ہائی پاور سلیکشن بورڈ کا اجلاس ضروری ہے تاکہ گریڈ 21 کی مزید اسامیاں دستیاب ہو جائیں۔

ترقی کی منظوری

ہائی پاور سلیکشن بورڈ کے اجلاس میں مختلف سروس گروپوں کے گریڈ 21 کے 40 سے زائد افسروں کی گریڈ 22 میں ترقی کی منظوری دی جائے گی۔ اس طرح گریڈ 21 کی 40 سے زیادہ اسامیاں ترقی کیلئے دستیاب ہو جائیں گی۔