قومی اسمبلی میں وزرا کے غائب رہنے پر ڈپٹی سپیکر کا ایوان نہ چلانے کا اعلان

اجلاس کی صورتحال

اسلام آباد (ڈیلی پاکستان آن لائن) قومی اسمبلی کے اجلاس سے مسلسل دوسرے روز بھی وفاقی وزرا غائب رہے، جس پر اپوزیشن لیڈر عمر ایوب نے کڑی تنقید کی۔ ڈپٹی سپیکر نے اجلاس ملتوی کرنے کا اعلان کرتے ہوئے کہا کہ اس طرح ایوان نہیں چلے گا۔ اگر وزرا آئندہ ہفتے نہیں آئے تو ہاوس نہیں چلائیں گے۔

یہ بھی پڑھیں: پنجاب؛ یومیہ اجرت پر جنگلوں میں کام کرنے والے مزدوروں کی ادائیگی کے لیے جدید نظام متعارف

اجلاس کی صدارت

قومی اسمبلی کا اجلاس ڈپٹی سپیکر سید غلام مصطفیٰ شاہ کی زیر صدارت شروع ہوا۔ اجلاس میں وزرا اور پارلیمانی سیکرٹریز کی عدم موجودگی پر اپوزیشن جماعتوں سمیت حکومتی اتحادی ارکان بھی ناراض ہوگئے۔

یہ بھی پڑھیں: لاہور سے شارجہ جانے والے مسافر سے 670 گرام ہیروئن بھرے کیپسولز برآمد

سابق سپیکر کا احتجاج

سابق سپیکر قومی اسمبلی اور پی ٹی آئی رہنما اسد قیصر نے وزرا کی عدم موجودگی پر اعتراض اٹھایا، کہا کہ وقفہ سوالات جاری ہے اور پورا ایوان خالی ہے، کوئی وزیر موجود نہیں ہے۔ یہ قابل مذمت ہے۔ انہوں نے احتجاجاً پانچ منٹ کے لیے اجلاس کو موخر کرنے کی درخواست کی۔

یہ بھی پڑھیں: خضدار: نامعلوم افراد کی فائرنگ سے سابق وزیراعلیٰ بلوچستان نصیر مینگل کا بیٹا قتل، پوتا زخمی

ڈپٹی سپیکر کی وضاحت

ڈپٹی سپیکر نے کہا کہ وزرا کی حاضری کل بھی وقفہ سوالات میں نہیں تھی۔ پیپلزپارٹی کے رکن قومی اسمبلی آغا رفیع اللہ نے کہا کہ اپنی اور ہماری عزت کا خیال رکھیں اور وزیروں کے آنے تک اجلاس کی کارروائی موخر کریں۔

یہ بھی پڑھیں: آئندہ بجٹ میں کھاد اور زرعی ادویات پر ٹیکس نہیں لگایا جا رہا: وزیراعظم

اجلاس کا دوبارہ آغاز

ڈپٹی سپیکر نے اجلاس کی کارروائی میں 15 منٹ کا وقفہ کیا۔ قومی اسمبلی کا اجلاس دوبارہ شروع ہوا تو پیپلزپارٹی کے رہنما سید نوید قمر نے بھی وزرا کی عدم موجودگی پر برہمی کا اظہار کیا۔

یہ بھی پڑھیں: بجلی کی قیمت میں فی یونٹ 7.41 روپے کمی کا وزیراعظم ریلیف پیکیج برقرار

وزرا کی آئینی ذمہ داری

انہوں نے ڈپٹی سپیکر کو مخاطب کرتے ہوئے کہا کہ کابینہ مجموعی طور پر اسمبلی کی ذمہ دار ہے۔ وزرا کی آئینی ڈیوٹی ہے کہ ایوان میں موجود ہوں، آپ کی طرف سے سخت رولنگ آنی چاہئے۔

اجلاس کی ملتویٰ کا اعلان

ڈپٹی سپیکر نے کہا کہ کل بھی ہم نے رولنگ دی تھی کہ ہم وزیر اعظم کو لکھیں گے۔ حکومت غیر سنجیدہ ہے، اس طرح ایوان نہیں چلے گا۔ قومی اسمبلی کا اجلاس کل بروز جمعہ دن 11 بجے تک ملتوی کردیا گیا۔