کچے میں ڈاکوؤں کیخلاف پولیس کی بڑی تیاری، سندھ حکومت نے کروڑوں روپے جاری کر دیئے
پولیس کی بڑی تیاری
کراچی (ڈیلی پاکستان آن لائن): کچے میں ڈاکوؤں کے خلاف پولیس نے بڑی تیاری کر لی۔
یہ بھی پڑھیں: کراچی: سرکاری سکولوں کی کتابیں اور کاپیاں فروخت ہونےکا انکشاف
جدید ہتھیاروں کی خریداری
تفصیلات کے مطابق سندھ میں کچے میں ڈاکوؤں کے خلاف پولیس نے خود کار جدید ترین ہتھیاروں کی پہلی کھیپ خرید لی۔ پولیس حکام کے مطابق جدید ترین اسلحہ پہلی بار کچے کے ڈاکوؤں کے خلاف استعمال کیا جائے گا۔ سندھ پولیس نے جدید ہتھیاروں کے استعمال کے لیے خصوصی اجازت حاصل کر لی ہے۔
یہ بھی پڑھیں: شاہد اسلم پاکستان کرکٹ ٹیم کے بیٹنگ کوچ مقرر
سرکاری فنڈنگ
"جنگ" کے مطابق اسلحے کی خریداری کے لیے سندھ حکومت نے 1 ارب 40 کروڑ روپے جاری کر دیے۔ اسلحے کے ساتھ سیکڑوں کی تعداد میں گولیاں بھی خرید لی گئی ہیں۔
آنے والا مرحلہ
اگلے مرحلے میں ایکسپلوزیو ڈیٹیکٹر خریدنے کی تیاری کی جا رہی ہے۔ آئیڈیاز 2024 میں کئی ڈرونز، ہتھیار سمیت حفاظتی سامان شارٹ لسٹ کیا گیا ہے۔ جدید اسلحے کے استعمال سے سندھ کچے کے ڈاکوؤں کا مقابلہ کیا جائے گا۔
