نیشنل سیکیورٹی اینڈ وار کورس کیلئے کن افسران کو نامزد کیا گیا ؟نام سامنے آ گئے

نیشنل سیکیورٹی اینڈ وار کورس کے نامزد افسران

اسلام آباد( ویب ڈیسک) نیشنل سیکیورٹی اینڈ وار کورس کیلئے کن افسران کو نامزد کیا گیا؟ نام سامنے آ گئے۔

یہ بھی پڑھیں: 2025 میں بانی پی ٹی آئی کی اپیل مقرر ہوتی نظر نہیں آتی؛ 190 ملین پاؤنڈ کیس میں رجسٹرار اسلام آباد ہائی کورٹ کا اہم بیان

تفصیلات

تفصیلات کے مطابق افسران کی گریڈ 20 سے 21 میں ترقی کیلئے لازمی نیشنل سیکیورٹی اینڈ وار کورس 2025-26 کیلئے گریڈ 20 کے 27 افسر نامزد کیے گئے ہیں۔ "جنگ" کے مطابق اسٹیبلشمنٹ ڈویژن کی جانب سے صدر، نیشنل ڈیفنس یونیورسٹی کو ارسال کردہ مراسلے کے مطابق پاکستان ایڈمنسٹریٹو سروس کے گریڈ 20 کے افسران میں کمشنر لاہور زید بن مقصود، جوائنٹ سیکرٹری اقتصادی امور یحییٰ اخونزادہ، کمشنر ڈی جی خان ڈاکٹر ناصر محمود بشیر، کمشنر حیدر آباد بلال احمد شامل ہیں۔

یہ بھی پڑھیں: پاکستان تحریک انصاف آج کی سیاست میں فی الحال کوئی کمال نہیں دکھا پا رہی، سزاؤں اور نا اہلیوں کا سیلاب بتا رہا ہے کہ سب اچھا نہیں: حامد میر

دیگر افسران

پولیس سروس کے گریڈ 20 کے افسران میں ڈائریکٹر ایف آئی اے عمران محمود، ڈی آئی جی آئی ٹی کراچی کیپٹن (ر) پرویز احمد، ایڈیشنل آئی جی خیبر پختونخوا شوکت عباس، ڈی آئی جی ویلفئر پشاور محمد کاشف مشتاق کانجو شامل ہیں۔ فارن سروس کے گریڈ 20 کے افسران عائشہ علی، سجاد حیدر خان، محمد طارق وزیر، رابعہ شفیق بھی نامزد کیے گئے ہیں۔

یہ بھی پڑھیں: ملک بھر میں مزید موسلادھار بارشوں کی پیش گوئی

دیگر عہدے داران

مزید برآں، آئی ایس آئی کے انجم سہیل، آئی بی کے عبدالوہاب شیخ، ان لینڈ ریونیو سروس کے محمد خالد جمیل، فیصل رؤف میمن، نفیسہ ستی، پاکستان کسٹمز سروس کی صائمہ آفتاب، انفارمیشن گروپ کے ڈی جی، ڈیجیٹل کمیونیکشن ڈیپارٹمنٹ محمد شہزاد، نیب خیبرپختونخوا کے ڈائریکٹر محمد رضوان خان، سیکریٹریٹ گروپ کے افسران میں کمشنر افغان مہاجرین محمد عباس خان، جوائنٹ سیکرٹری اسٹیبلشمنٹ ڈویژن طارق محمود، جوائنٹ سیکرٹری وزارت تجارت ڈاکٹر محمد عدنان، سیکرٹری سماجی تحفظ سندھ رفیق مصطفی شیخ اور اکا نومسٹ گروپ کے ناصر محمود بھی نامزد کیے گئے ہیں۔