نائب صدر پی ٹی آئی پنجاب نے پارٹی ڈسپلن پر جاری شوکاز نوٹس کا جواب دیدیا

اکمل خان باری کا شوکاز نوٹس پر ردعمل

لاہور (ڈیلی پاکستان آن لائن) پاکستان تحریک انصاف (پی ٹی آئی) پنجاب کے نائب صدر اکمل خان باری نے پارٹی ڈسپلن پر جاری ہونے والے شوکاز نوٹس کا جواب دے دیا ہے۔ اکمل خان باری نے پارٹی کو ڈسپلن پر عمل کی یقین دہانی کروا دی۔

یہ بھی پڑھیں: جج سے بات نہ ہونے پر علیمہ خان کمرہ عدالت میں بانی کے فوکل پرسن پر برہم

شوکا زنوٹس کی تفصیلات

گزشتہ روز اکمل باری کو پارٹی ڈسپلن پر شوکاز نوٹس جاری کیا گیا تھا، جس میں ان پر لیڈر شپ کی اجازت کے بغیر سیاسی سرگرمیوں کا اعلان کرنے کا الزام عائد کیا گیا۔

یہ بھی پڑھیں: یکم جنوری 2028 تک سود کے خاتمے کی شق متفقہ طور پر منظور

اکمل باری کا موقف

شوکاز کے جواب میں اکمل باری کا کہنا تھا کہ وہ محنت اور لگن سے پارٹی کے لیے کام کر رہے ہیں۔ انہوں نے الزام عائد کیا کہ پنجاب حکومت نے ان کے خلاف سیاسی بنیادوں پر مقدمات قائم کیے ہیں۔ مینار پاکستان جلسہ کی اجازت نہ ملنے کے بعد انہوں نے لاہور ہائیکورٹ سے رجوع کیا، اور اُن کی تمام کوششیں بانی پی ٹی آئی کی رہائی کے لیے ہیں۔

پارٹی ڈسپلن کی اہمیت

انہوں نے مزید کہا کہ ان کا کوئی ذاتی ایجنڈا نہیں ہے، اور پارٹی کے ڈسپلن پر عمل کرنا ان کی ترجیح ہے۔ اکمل خان باری نے یقین دہانی کرائی کہ وہ پہلے اور آئندہ بھی پارٹی ڈسپلن کے پابند رہیں گے۔