میں پاکستان کی مہمان نوازی سے لطف اندوز ہو رہا ہوں، پاک امریکہ تعلقات مزید مضبوط ہوں گے: امریکی اعلیٰ عہدیدار ایرک مائیر

امریکی عہدیدار کا دورہ پاکستان

اسلام آباد (طیبہ بخاری سے) "میں پاکستان کی مہمان نوازی سے لطف اندوز ہو رہا ہوں"۔ امریکی محکمہ خارجہ میں جنوبی وسطی ایشیاء امور کے اعلیٰ عہدیدار ایرک مائیر نے پاکستان منرلز انویسٹمنٹ فورم 2025 کے انعقاد پر پاکستان کو خراج تحسین پیش کیا ہے۔

یہ بھی پڑھیں: مقبوضہ کشمیر اسمبلی میں خصوصی حیثیت کی بحالی کی قرارداد منظور

پاکستان منرلز انویسٹمنٹ فورم 2025 کا آغاز

تفصیلات کے مطابق 2 روزہ پاکستان منرلز انویسٹمنٹ فورم 2025 کا افتتاحی اجلاس آج ہوا۔ افتتاحی تقریب میں ملکی اور غیر ملکی معاشی ماہرین و مندبین نے شرکت کی۔ افتتاحی تقریب میں شریک ایرک مائیر کا کہنا تھا کہ "میں پاکستان کی مہمان نوازی سے لطف اندوز ہو رہا ہوں۔ میں پاکستانی حکام کو اس فورم کے کامیاب انعقاد پر خراج تحسین پیش کرتا ہوں، امید ہے کہ اس فورم کے انعقاد سے امریکہ اور پاکستان کے تعلقات مزید مضبوط ہوں گے"۔

یہ بھی پڑھیں: اسلام آباد کے 3 حلقوں کے ٹریبونل کی تبدیلی کا کیس: الیکشن کمیشن نے پی ٹی آئی کو جواب جمع کرانے کا آخری موقع دیا

سرمایہ کاری کے مواقع

ایرک مائیر نے توقع ظاہر کی کہ یہ فورم سرمایہ کاروں کے لیے یکساں مواقع فراہم کرے گا۔ امریکی صدر ڈونلڈ ٹرمپ نے بھی منرل اور معدنی وسائل کی اہمیت کو متعدد بار اجاگر کیا ہے۔ حالیہ دنوں میں پاکستان اور امریکہ کے مابین کامیاب سرمایہ کاری کے کئی حوالے سامنے آئے ہیں۔ دونوں ممالک کے مابین سویابین کی تجارت کا دوبارہ آغاز خوش آئند ہے۔

تجارتی روابط کا فروغ

ایرک مائیر کا مزید کہنا تھا کہ 260 ہزار ٹن سویابین سے لدے 4 جہاز حال ہی میں پاکستان پہنچے ہیں۔ یہ تجارتی روابط دونوں ممالک کے عوام کے مابین گہرے تعلقات کی نشاندہی کرتے ہیں۔ متعدد پاکستانیوں نے امریکہ میں ایکسچینج پروگرام کے تحت تعلیم حاصل کی ہے، یہ اقدامات پاکستانی اور امریکی عوام کے مابین گہرے رشتے کے عکاس ہیں۔