کام پر جانے سے انکار، بیوی نے شوہر کی سرعام درگت بنادی، ویڈیو سامنے آگئی

بھارت میں وائرل ویڈیو

نئی دہلی (ڈیلی پاکستان آن لائن) بھارت سے ایک ویڈیو اس وقت سوشل میڈیا پر تیزی سے وائرل ہو رہی ہے جس میں ایک خاتون کو اپنے شوہر کو سرِعام مارتے اور گالیاں دیتے دیکھا جاسکتا ہے۔ ویڈیو میں خاتون اپنے شوہر کو بری طرح پیٹتی ہوئی نظر آتی ہے اور بلند آواز میں یہ کہتے سنی جا سکتی ہے کہ ’’یہ کچھ کماتا نہیں‘‘۔

یہ بھی پڑھیں: بھاری جرمانے کی ادائیگی کے بعد برازیل میں ایکس پر پابندی ختم

ویڈیو کا پس منظر

نیوز 18 کے مطابق واقعہ ایک دکان کے سامنے پیش آیا جہاں یہ جوڑا جھگڑ رہا تھا اور اردگرد کئی لوگ جمع تھے لیکن کسی نے بھی مداخلت نہیں کی۔ ویڈیو میں دکھایا گیا ہے کہ خاتون نے شوہر کا گریبان پکڑا ہوا ہے اور مسلسل تھپڑ مار رہی ہے، جبکہ شوہر بے بسی سے اس کا ہاتھ روکنے کی کوشش کرتا ہے۔ خاتون بار بار یہ کہتی ہے کہ شوہر اس کی کمائی پر پلتا ہے اور خود کچھ نہیں کرتا۔

سوشل میڈیا پر ردعمل

ویڈیو منظر عام پر آنے کے بعد سوشل میڈیا صارفین نے شدید ردِعمل ظاہر کیا ہے۔ بہت سے صارفین نے اس عمل کو ’’پبلک ایبیوز‘‘ قرار دیتے ہوئے سوال اٹھایا کہ ایک خاتون کو یہ حق کس نے دیا کہ وہ کسی مرد کو سڑک پر مارے، چاہے وہ شوہر ہی کیوں نہ ہو۔ بعض صارفین نے اس عمل پر قانونی کارروائی کا مطالبہ بھی کیا ہے، جبکہ کچھ نے مردوں پر گھریلو تشدد کے مسئلے کو بھی اجاگر کیا۔