بچوں کی ماں نے مذہب تبدیل کر کے 12 ویں جماعت کے نوجوان سے شادی کر لی

بھارت میں نیا شادی کا واقعہ

ممبئی (ڈیلی پاکستان آن لائن )بھارت میں 3 بچوں کی ماں نے بارہویں جماعت کے طالب علم کی محبت میں گرفتار ہو کر مذہب تبدیل کرکے شادی کر لی۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا؟

واقعے کی تفصیلات

بھارتی نیوز چینل این ڈی ٹی وی کے مطابق یہ واقعہ ریاست اترپردیش کے ضلع امروہا کے مندر میں پیش آیا جہاں شبنم نامی خاتون نے ہندو مذہب اختیار کرکے نوجوان طالب علم سے رشتۂ ازدواج میں منسلک ہونے کا فیصلہ کیا۔ حسن پور کے سرکل افسر دیپ کمار پنت نے بتایا کہ خاتون نے اپنا پرانا نام شبنم چھوڑ کر نیا نام شیوانی رکھ لیا ہے۔ شبنم اس سے قبل 2 مرتبہ شادی کر چکی ہے اور اس کے والدین حیات نہیں ہیں۔

یہ بھی پڑھیں: کے پی میگا کرپشن سکینڈل میں مزید سنسنی خیز انکشافات، لگژری گاڑیوں اور جائیدادوں کی تفصیلات منظر عام پر، 25 ارب کے اثاثے منجمد، اہم گرفتاریاں متوقع۔

مذہب کی تبدیلی کے قوانین

رپورٹ کے مطابق اترپردیش میں مذہب کی تبدیلی کے حوالے سے سخت قوانین نافذ ہیں، یو پی پروہبیشن آف ان لاء فل کنورژن آف ریلیجن ایکٹ 2021 کے تحت کسی کو دھوکے یا جبر کے ذریعے مذہب بدلنے سے روکا جاتا ہے۔

یہ بھی پڑھیں: اسرائیلی حملے کا نشانہ بننے والے حماس کے سینئر رہنما خالد الحیہ کون ہیں؟

پولیس کی کارروائی

پولیس کا کہنا ہے کہ معاملے کا جائزہ لیا جا رہا ہے تاہم اب تک کسی بھی فریق کی طرف سے کوئی باقاعدہ شکایت درج نہیں کروائی گئی ہے۔ شبنم نے اپنی پہلی شادی میرٹھ میں کی تھی جو بعد ازاں طلاق پر ختم ہو گئی تھی جب کہ دوسری شادی اس نے توفیق نامی شخص سے کی جو گاؤں سیداں والی کا رہائشی ہے، توفیق ایک حادثے کے باعث 2011 میں معذور ہو چکا تھا۔

یہ بھی پڑھیں: پی ٹی آئی کا احتجاج، اسلام آباد میں بندش اور شہریوں کی پریشانی: شادی ہال کے مالکان کا کہنا ہے کہ کوئی انتظام نہیں ہو سکتا اور ایڈوانس واپس کر دیا گیا ہے۔

نئی زندگی کا آغاز

شیوانی نے کچھ عرصہ قبل 12 ویں جماعت کے طالب علم سے تعلقات استوار کیے اور بلآخر توفیق سے علیحدگی اختیار کرکے ہندو مذہب اپنا لیا۔

خاندانی حمایت

نوجوان طالب علم کے والد کا کہنا ہے کہ وہ اپنے بیٹے کے فیصلے کے حامی ہیں اور اگر دونوں ایک ساتھ خوش ہیں تو خاندان بھی ان کے ساتھ ہے۔ ہم بس یہی چاہتے ہیں کہ دونوں خوش حال زندگی گزاریں۔