نواز شریف نے بلوچستان کی صورتحال میں کردار ادا کرنے کی حامی بھرلی

نواز شریف نے بلوچستان کی صورتحال میں کردار ادا کرنے کی حامی بھر لی

لاہور(آئی این پی)سابق وزیر اعظم اور مسلم لیگ (ن)کے صدر میاں نواز شریف نے بلوچستان کی صورتحال میں کردار ادا کرنے کی حامی بھرلی۔ رپورٹ کے مطابق نواز شریف سے سابق وزیراعلی بلوچستان عبدالمالک بلوچ نے لاہور میں ملاقات کی ہے، جس میں انہوں نے خواتین کی گرفتاری اور دیگر مسائل پر گفتگو کی۔

یہ بھی پڑھیں: ستاروں کی روشنی میں آپ کا آئندہ ہفتہ کیسا گزرے گا ؟

ملاقات کے نتائج

ملاقات کے بعد میڈیا سے گفتگو میں ڈاکٹر مالک نے کہاکہ صوبے کے عوام کو نوازشریف سے مسائل کے حل کی امیدیں ہیں، بلوچستان کے مسائل کے حل کے لیے مل کر کام کرنا ہوگا۔ نواز شریف نے صوبے کی صورتحال میں کردار ادا کرنے پر آمادگی ظاہر کی ہے۔

یہ بھی پڑھیں: لاہور سمیت پنجاب میں شدید دھند اور سموگ کا راج، موٹر ویز مختلف مقامات سے بند

ڈاکٹر عبدالمالک بلوچ کا بیان

ڈاکٹر عبدالمالک نے کہا کہ نواز شریف اور دیگر کا شکرگزار ہوں کہ روایت کے مطابق ہمارا استقبال کیا۔ ہم نے نواز شریف کو بتایا کہ بلوچستان کی صورتحال پر ان کا کردار بہت اہم ہے۔ سابق وزیراعلیٰ نے کہا کہ ملاقات میں بلوچستان میں جاری دھرنے اور جیلوں میں قید لوگوں سمیت سیاسی معاملات پر تفصیلی بات کی گئی، نواز شریف اس معاملے پر کردار ادا کرنے کے لیے راضی ہوگئے ہیں۔

یہ بھی پڑھیں: مجھے اداکارہ منسا ملک کی جانب سے قتل کی دھمکیاں دی جا رہی ہیں، علیزے شاہ کا دعویٰ

سیاسی مسائل کا حل

انہوں نے کہاکہ نواز شریف نے بلوچستان جا کر لوگوں سے ملاقات کرنے کی یقین دہانی کرائی، بلوچستان کا مسئلہ سیاسی ہے اور اس کو سیاسی طریقے سے حل ہونا چاہیے۔

یہ بھی پڑھیں: چیئرمین ایس ای سی پی، کمشنرز کی تنخواہوں میں سالانہ ڈیڑھ ارب غیر قانونی اضافے کا انکشاف، آڈٹ رپورٹ نے بھانڈا پھوڑ دیا

خواجہ سعد رفیق کا ذکر

اس موقع پر خواجہ سعد رفیق نے بتایا کہ تفصیلی ملاقات میں بلوچستان کی صورتحال پر بات چیت کی گئی۔ ڈاکٹر صاحب نے خیالات سے آگاہ کیا اور درخواست کی کہ نواز شریف کو اپنا کردار ادا کرنا چاہیے۔ نواز شریف نے یقین دہانی کرائی ہے کہ وہ بلوچستان میں امن کے لیے اپنا کردار ادا کریں گے۔

یہ بھی پڑھیں: کوئی سرکاری اہلکار زیرحراست ملزم کی ویڈیو سوشل میڈیا پر اپلوڈ نہیں کر سکتا، لاہور ہائیکورٹ

ماضی کی کامیابیاں

انہوں نے کہا کہ جب نواز شریف وزیراعظم تھے اور عبدالمالک بلوچ وزیراعلیٰ تھے تو بلوچستان میں ترقی ہوئی، بدقسمتی سے جمہوریت میں تعطل آگیا اور صورتحال یہاں تک پہنچی۔

نواز شریف کی ذمہ داری

سعد رفیق نے کہا کہ میاں نواز شریف نے یقین دلوایا ہے کہ وہ ذاتی طور پر دلچسپی لے کر بلوچستان کے مسائل کا حل نکالیں گے۔