امریکا نے روش نہ بدلی تو آخر تک لڑیں گے، چین کا ٹیرف کے معاملے پر امریکا کو انتباہ

بیجنگ (ڈیلی پاکستان آن لائن): چین نے ٹیرف کے معاملے پر امریکا کو خبردار کیا ہے کہ اگر واشنگٹن نے اپنی روش نہ بدلی تو چین آخر تک لڑنے کیلئے تیار ہے۔

یہ بھی پڑھیں: گلگت بلتستان میں باراتیوں کی بس دریا میں گرنے کا واقعہ کیسے پیش آیا؟ بس میں سوار دلہن نے بتا دیا

چین کی تجارتی صلاحیت میں کمی نہیں آئی

نجی ٹی وی جیونیوز کے مطابق، چینی وزارت تجارت کا کہنا ہے کہ چین کی غیر ملکی تجارت کو درپیش چیلنجز میں نمایاں اضافہ ہوا ہے، تاہم چین کی غیر ملکی تجارت کی صلاحیت میں کوئی کمی نہیں آئی۔ وہ اپنی ذمہ داریوں کو ثابت قدمی سے نبھائیں گے اور غیر یقینی صورتحال کے خلاف مؤثر اقدامات کریں گے۔

یہ بھی پڑھیں: تحریک انصاف کا آئینی ترامیم کو عدالت میں چیلنج کرنے کا فیصلہ

چین کا مؤقف: بات چیت کا دروازہ کھلا

ترجمان چینی وزارت تجارت کا کہنا ہے کہ چین غیر ملکی تجارت کے خطرات اور چیلنجز سے نمٹنے کی صلاحیت رکھتا ہے۔ چین کا مؤقف واضح اور مستقل ہے کہ بات چیت کا دروازہ کھلا ہے مگر یہ بات چیت باہمی احترام اور برابری کی بنیاد پر ہونی چاہیے۔

دباؤ اور دھمکیاں کا کوئی اثر نہیں

چینی وزارت تجارت کے ترجمان نے کہا کہ بلیک میلنگ، دباؤ، اور دھمکیاں چین سے نمٹنے کا درست طریقہ نہیں ہیں۔ مزید یہ کہ اگر امریکا نے اپنی روش نہ بدلی تو چین آخر تک لڑنے کے لئے تیار ہے، کیونکہ تجارتی جنگ میں کوئی فاتح نہیں ہوتا اور تحفظ پسندی یک طرفہ راستہ ہے۔