راولپنڈی پولیس نے نالے سے ملنے والی خاتون کی لاش کا معمہ حل کر لیا، تہلکہ خیز انکشافات

راولپنڈی پولیس کا بڑا انکشاف

راولپنڈی (ڈیلی پاکستان آن لائن) - راولپنڈی پولیس نے برساتی نالے سے ملنے والی خاتون کی لاش کا معمہ حل کر لیا ہے۔

یہ بھی پڑھیں: چیٹ جی پی ٹی نے بیوی کے سامنے شوہر کے معاشقے کی پول کھول دی

ملزمان کی گرفتاری

پولیس کے مطابق مقتولہ کا شوہر امین اور جعلی عامل اسرار کو خاتون کے قتل کے الزام میں گرفتار کر لیا گیا ہے۔

یہ بھی پڑھیں: قرآن میں بہن کا حصہ لکھ دیا گیا ہے، قرآن کے حکم سے کیسے انکاری ہو سکتے ہیں، سپریم کورٹ نے بہن کے وراثتی حصہ کے خلاف بھائی کی درخواست خارج کردی

مقتولہ کی شناخت

مقتولہ کی شناخت قدسیہ بتول کے نام سے ہوئی جو کہ ایک سکول ٹیچر تھی۔ ملزمان نے خاتون کو تشدد کا نشانہ بنایا اور پھندا ڈال کر قتل کرنے کے بعد لاش دفنا دی تھی۔

واقعے کی تفصیلات

مقتولہ اور شوہر کا جعلی عامل اسرار کے پاس آنا جانا تھا، عامل زیورات اور رقم بٹور چکا تھا۔ مقتولہ کا شوہر اپنی بیوی کے رویے سے بدظن تھا۔ جب مقتولہ نے جعلی عامل سے رقم اور زیورات کا تقاضا کیا تو دونوں ملزمان نے قتل کی منصوبہ بندی کی۔ ملزمان خاتون کو عملیات کے بہانے لے کر گئے، تشدد کرنے کے بعد قتل کر دیا، جس کے بعد لاش کو دفنا دیا اور اپنا جرم چھپانے کے لیے دسمبر میں اغواء کا مقدمہ درج کروایا۔