پنجاب حکومت کا خواجہ سراؤں کے لیے مثالی اقدام

پنجاب حکومت کا انقلابی اقدام

لاہور(ڈیلی پاکستان آن لائن) پنجاب حکومت نے خواجہ سراؤں کے لیے ٹیکنیکل اسکلز ٹریننگ کا جامع پروگرام شروع کردیا ہے۔ وزیراعلیٰ مریم نواز کے پیغام ’’ٹرانس جینڈرز بھیک نہیں، باعزت روزگار کمائیں گے‘‘ کے تحت پنجاب کی تاریخ میں پہلی مرتبہ ٹرانس جینڈر کمیونٹی کے لیے باعزت اور باوقار زندگی گزارنے کے راستے کھل گئے ہیں۔

یہ بھی پڑھیں: 150 ملین ڈالر کے طیارے گرائے گئے، صدر ٹرمپ کا انڈین رافیل گرنے کا اشارہ

پہلا ٹیکنیکل اسکلز پروگرام

پہلی مرتبہ صوبے میں ٹرانس جینڈرز کے لیے ٹیکنیکل اسکلز کی ٹریننگ کا جامع پروگرام شروع کیا گیا ہے، جس میں 1600 ٹرانس جینڈرز کے لیے پہلے مرحلے میں خصوصی طور پر پنجاب اسکلز ڈویلپمنٹ فنڈ پروگرام کے تحت مختلف فنون سکھائے جائیں گے۔ ٹرانس جینڈرز کو آئی ٹی، فری لانسنگ کی ٹریننگ کے ذریعے معاشی طور پر خود مختار بنایا جائے گا۔

یہ بھی پڑھیں: لاہور میں آن لائن ٹیکسی ڈرائیورز کے ساتھ وارداتیں کرنے والے گینگ کا سرغنہ ساتھی سمیت گرفتار

فنی مہارتوں کی تعلیم

پنجاب میں پہلی مرتبہ ٹرانس جینڈرز کے لیے ہیلتھ کیئر اسسٹنٹ اسکل ٹریننگ کا اہتمام کیا جائے گا۔ باعزت روزگار کمانے کے لیے ٹرانس جینڈرز کو ٹیلرنگ، فیشن ڈیزائنگ، الیکٹریکل ورک، سولر ٹیکنالوجی، بیوٹی سروسز اور کُلنری آرٹس کی ٹریننگ دی جائے گی۔

یہ بھی پڑھیں: بلوچستان کے علاقے ہرنائی کے پہاڑی علاقے سے 4 نامعلوم افراد کی لاشیں برآمد

وزیراعلیٰ کا پیغام

وزیراعلیٰ پنجاب مریم نواز نے کہا ہے کہ ٹرانس جینڈرز کے ساتھ بے رحمانہ رویہ افسوسناک ہے۔ ٹرانس جینڈرز سماجی بائیکاٹ اور مناسب روزگار نہ ملنے کی وجہ سے بھیک مانگنے پر مجبور ہیں۔ ہمیں ٹرانس جینڈرز کو اسکل سکھا کر ثابت کرنا ہوگا کہ ٹیلنٹ کا کوئی جینڈر نہیں۔

نئی امید کی کرن

انہوں نے مزید کہا کہ ہم ٹرانس جینڈرز کی ٹریننگ کے علاوہ معاشرے میں باوقار مقام دینے کی جدوجہد کر رہے ہیں۔ یہ انقلابی ووکیشنل ٹریننگ پروگرام ٹرانس جینڈر کی زندگیاں بدلنے کا عزم رکھتا ہے۔