جی ایچ کیو حملہ کیس، سرکاری گواہ پیش نہ ہونے کی وجہ سے جیل ٹرائل ٹل گیا

سانحہ 9 مئی: مقدمات کی تازہ ترین صورتحال

راولپنڈی(آئی این پی) سانحہ نومئی، جی ایچ کیو حملہ کیس میں سرکاری گواہ پیش نہ ہونے کی وجہ سے جیل ٹرائل ٹل گیا۔ 3 مقدمات میں 19 اپریل کو ملزمان پر فرد جرم عائد ہوگی، جبکہ دیگر 10 مقدمات میں کے چالان عدالت میں پیش نہیں کیے جا سکے۔

یہ بھی پڑھیں: پنجاب یونیورسٹی کے طالبعلم کا قتل کا معمہ حل، مقتول کا دوست گرفتار کرلیا گیا

انسداد دہشت گردی کی خصوصی عدالت میں سماعت

سانحہ 9 مئی کے مقدمات کی سماعت انسداد دہشت گردی کی خصوصی عدالت کے جج امجد علی شاہ نے کی، جس میں وکلائے صفائی اور پراسیکیوٹر عدالت پہنچے۔ اس کے علاوہ، میجر طاہر صادق، واثق قیوم، صداقت عباسی، اپوزیشن لیڈر عمر ایوب، بابر اعوان، سابق وزیر داخلہ شیخ رشید اور دیگر بھی عدالت میں موجود تھے۔ پولیس کی جانب سے مختلف تھانوں میں درج مقدمات کے چالان کی کاپیاں اور ریکارڈ بھی عدالت میں لائے گئے، جنہیں ملزمان میں تقسیم کیا گیا۔ عدالت نے سانحہ 9 مئی کے 13 مقدمات کی سماعت 19 اپریل تک ملتوی کردی۔

مقدمات کے چالان پیش نہ کرنے پر برہمی

تین مقدمات میں 19 اپریل کو ملزمان پر فرد جرم عائد کی جائے گی، جبکہ 10 مقدمات کے چالان عدالت میں پیش نہیں کیے جا سکے۔ 10 تھانوں کی پولیس 10 کیسز کے چالان ڈیڑھ سال گزرنے کے باوجود تاحال پیش کرنے میں ناکام رہی، جس پر عدالت نے سخت برہمی کا اظہار کرتے ہوئے آئندہ سماعت پر 10 کیسز کے چالان بھی پیش کرنے کا حکم دیا۔ جن مقدمات میں پولیس چالان پیش کرنے میں ناکام رہی، ان میں جی ایچ کیو گیٹ 4 پر حملہ، آرمی میوزیم حملہ، صدر میں حساس عمارت کو جلانے کے مقدمات شامل ہیں۔