سندھ میں مہمان پرندوں کا سروے مکمل، تعداد تقریباً ساڑھے 5 لاکھ ریکارڈ

کراچی میں پرندوں کی تعداد کا نیا ریکارڈ

کراچی (ڈیلی پاکستان آن لائن) سندھ کی آب گاہوں و آبی گزرگاہوں پر پرندوں کی تعداد 5 لاکھ 45 ہزار 258 ریکارڈ کی گئی ہے۔

یہ بھی پڑھیں: اس صدی کے آخر تک ایک تہائی جانداروں کی معدومی کا خظرہ، نئی تحقیق نے خطرے کی گھنٹی بجادی

سروے کی تفصیلات

نجی ٹی وی جیو نیوز کے مطابق سندھ وائلڈ لائف ڈیپارٹمنٹ نے 2024 سے 2025 کے دوران سندھ کی جھیلوں اور آب گاہوں پر مہاجر پرندوں کا سروے مکمل کرلیا ہے۔ سروے کے مطابق آب گاہوں و آبی گزرگاہوں پر پرندوں کی تعداد 5 لاکھ 45 ہزار 258 ریکارڈ کی گئی ہے۔ دوران سروے مہمان پرندوں کے روایتی ٹھکانے رن آف کچھ اور دلدلی علاقے خشک سالی کا شکار نظر آئے۔

یہ بھی پڑھیں: وزیر تعلیم سے برٹش کونسل کے سی ای او کی ملاقات، سکول و ہائیر ایجوکیشن میں مختلف شعبوں میں معاونت پر تفصیلی مشاورت

بدین کی اہمیت

سب سے زائد پرندے بدین کی نریڑی لیگون میں ایک لاکھ 55 ہزار 68 اور بدین کے قریب رن آف کچھ کے مقام پر 91 ہزار 634 پرندے ریکارڈ کئے گئے۔

پچھلے سروے کا موازنہ

گزشتہ سروے کے مطابق 6 لاکھ 39 ہزار 122 پرندے آئے تھے۔ دوران سروے لیسر فلیمنگوز اور خطرے سے دوچار نسل گریٹ وائٹ پیلکن کی خاصی تعداد بھی دیکھنے میں آئی تھی۔