وزیراعلیٰ پنجاب مریم نواز نے انا طولیہ ڈپلومیسی فورم میں گرلز ایجوکیشن کیلئے عالمی معاہدہ تشکیل دینے کی تجویز پیش کردی

وزیراعلیٰ پنجاب کی گرلز ایجوکیشن کی تجویز

ترکیہ (دیلی پاکستان آن لائن) وزیراعلیٰ پنجاب مریم نواز نے اناطولیہ ڈپلومیسی فورم میں گرلز ایجوکیشن کے لیے عالمی معاہدہ تشکیل دینے کی تجویز پیش کر دی۔

یہ بھی پڑھیں: بھارتی موسیقار انو ملک کے بھائی نے اکشے کمار اور ٹوئنکل کھنہ کو احسان فراموش قرار دےدیا

تاریخی خطاب

وزیراعلیٰ پنجاب مریم نواز نے اناطولیہ ڈپلومیسی فورم میں تعلیم کی انقلابی طاقت کے عنوان سے تاریخی خطاب کرتے ہوئے کہا کہ ہر بچہ سکول میں داخل ہو، سکول میں پڑھتا رہے اور کامیابی حاصل کرے۔ وزیراعلیٰ نے گرلز ایجوکیشن کے لیے عالمی معاہدہ تشکیل دینے کی تجویز پیش کی۔ باہمی اشتراک کار سے تعلیمی پالیسی، تدریسی حکمت عملی اور فروغ تعلیم کے لیے اقدامات کی تجویز بھی پیش کی۔ ریاست نہیں بلکہ عوام کی فلاح و بہبود کے لیے با وقار سفارتکاری کے فروغ کے لیے فرینڈز آف ایجوکیشن کا ویژن ہے۔ ترکیہ کی اعلیٰ یونیورسٹیوں کو پنجاب میں کیمپس قائم کرنے کی دعوت بھی دی گئی۔

یہ بھی پڑھیں: فاسٹ بولر شاہین شاہ آفریدی انجری سے تیزی سے صحتیابی کی جانب گامزن، دوبارہ بولنگ کا آغاز کر دیا

ترکیہ کے ساتھ شراکت داری

وزیراعلیٰ مریم نواز نے کہا کہ ترکیہ کے ادارے پنجاب میں نوجوانوں کے لیے اعلیٰ مراکز قائم کریں۔ ترکیہ سے باہمی شراکت داری اور ایکسچینج پروگرام سے روشن مستقبل کی بنیاد رکھی جائے گی۔ ہم اجتماعی طور پر ہر وہ کام کر سکتے ہیں جو انفرادی طور پر مشکل نظر آتا ہے۔ ترک خاتون اول کی قیادت میں اناطولیہ ڈپلومیسی فورم کا انعقاد خوش آئند امر ہے۔

یہ بھی پڑھیں: میرے ایک ڈرامے کا معاوضہ آٹو کی قیمت سے زیادہ ہے: مہک ملک

تعلیمی پالیسی کی بنیاد

ہماری تعلیمی پالیسی کی بنیاد انقلاب آفرین اصلاحات ہیں۔ خواتین اور بچوں کے لیے تعلیم، انصاف، عزت و وقار اور مساوی مواقع ہماری اولین ترجیح ہے۔ میں پنجاب میں ایک منفرد طرز حکمرانی چاہتی ہوں جو ہر طرح موثر ہو۔ معاشرتی نا انصافیوں کے باعث بچوں سے مکمل صلاحیتوں کے اظہار کا حق چھین لیا جاتا ہے۔

یہ بھی پڑھیں: کیا پولیس اہلکاروں کو تفتیش کی باقاعدہ تربیت نہیں دی جاتی؟ سندھ ہائیکورٹ آئینی بنچ کے لاپتہ افراد کیس میں ریمارکس،مقدمہ درج کرنے کا حکم

جدید تعلیم کے اہداف

وزیراعلیٰ مریم نواز نے کہا کہ پنجاب میں تعلیمی اصلاحات کا مقصد محض خواندگی نہیں بلکہ لرننگ فریڈم اور روشن مستقبل بھی ہے۔ تعلیمی اصلاحات کو مؤثر بنانے کے لیے براہ راست خود نگرانی کر رہی ہوں۔ صوبہ بھر کے 4 ہزار سے زائد پرائمری سکولوں کو ایلیمنٹری لیول پر اپ گریڈ کیا جا رہا ہے۔

یہ بھی پڑھیں: امریکی صدر ٹرمپ 18 ستمبر کو پاکستان کا دورہ کریں گے

ہونہار سکالر شپ پروگرام

پنجاب کے 50 ہزار محنتی اور قابل طلبہ کے لیے ہونہار سکالر شپ پروگرام قائم کیا گیا ہے۔ ہونہار سکالر شپ کا 50 فیصد حصہ طالبات کو ملنے پر فخر محسوس کرتی ہوں۔ ہم نئے مستقبل کی بنیاد رکھ رہے ہیں اور تعلیم ہی ہمیں طاقت، سر بلندی، امید اور روشن مستقبل کی بنیاد دے سکتی ہے۔

یہ بھی پڑھیں: وفاقی حکومت کی کینال منصوبہ ختم کرنےکی پیشکش لیکن پیپلزپارٹی نے کیا جواب دیا؟ تہلکہ خیز دعویٰ

چیلنجز اور احساس ذمہ داری

وزیراعلیٰ مریم نواز نے کہا کہ ہمیں درپیش چیلنجز کو محض سرحدوں تک محدود نہیں سمجھنا چاہیے۔ ہمیں ان بچوں کے بارے میں سوچنا ہے جو تعلیم سے محروم ہیں۔ اناطولیہ ڈپلومیسی فورم نے بچوں کی تعلیم کے بارے میں سوچنے کا قابل قدر موقع فراہم کیا۔

شکریہ

وزیراعلیٰ مریم نواز نے کانفرنس کے شرکاء کا ترک زبان میں شکریہ ادا کیا۔