موٹروے پر تیزرفتار گاڑی روکے جانے پر ملزمان کی مزاحمت، ساتھی بلا لیے لیکن جب گاڑیوں کی تلاشی لی گئی تو کیا نکلا؟ حیران کن انکشاف

موٹروے پولیس کی اہم کارروائی

سکھیکی (آئی این پی) موٹروے پولیس نے اہم کارروائی کرتے ہوئے گاڑی سے غیر قانونی اسلحہ برآمد کرتے ہوئے 9 ملزمان گرفتار کر لیا۔

یہ بھی پڑھیں: گھروں میں کام کا جھانسہ دے کر لڑکیوں کو بلیک میل کرنے والے میاں بیوی گرفتار

کارروائی کی تفصیلات

ترجمان موٹروے پولیس کے مطابق، ایم 2 پر پنڈی بھٹیاں کے قریب 165 کلو میٹر رفتار پر گاڑی کو رکنے کا اشارہ کیا گیا۔ تاہم، ڈرائیور نے گاڑی روکنے کے بجائے رفتار بڑھا دی۔ گاڑی کو روکنے پر ملزمان نے پیٹرولنگ افسران سے مزاحمت کی اور گاڑی سوار افراد نے دوسری گاڑی میں سوار اپنے مسلح ساتھیوں کو بلا لیا۔

برآمد شدہ اسلحہ

موٹروے پولیس نے دونوں گاڑیوں کی تلاشی لی۔ ترجمان کے مطابق، 4 کلاشنکوف، جی تھری رائفل، پستول اور 892 گولیاں برآمد ہوئیں۔ ملزمان کے پاس اسلحے کا لائسنس موجود نہیں تھا۔ موٹروے پولیس کی مدعیت میں ملزمان کے خلاف مقدمہ درج کر لیا گیا۔