شراب نوشی کے بعد آدمی کا چہرہ سوج گیا، ڈاکٹر کے پاس گیا تو ایسی خطرناک بیماری کا انکشاف کہ زندگی ہی بدل گئی

چین میں 33 سالہ شخص کی دل کی بیماری

بیجنگ (ڈیلی پاکستان آن لائن) چین میں 33 سالہ شخص کے لیے شراب نوشی کے بعد چہرے اور آنکھوں کی سوجن صرف نشے کا اثر نہیں بلکہ ایک جان لیوا دل کی بیماری کی علامت ثابت ہوئی۔ ابتدائی طور پر اس نے سمجھا کہ یہ شراب پینے کے بعد کی عام سی حالت ہے، لیکن چند ہی ہفتوں میں اس کی حالت بگڑنے لگی۔ سوجن پورے جسم میں پھیل گئی، پیٹ پھولنے لگا، سینے میں گھٹن اور سانس لینے میں دشواری ہونے لگی۔

یہ بھی پڑھیں: 8فروری انتخابات میں مبینہ دھاندلی کی تحقیقات کی درخواستیں ،بانی پی ٹی آئی کے وکیل سماعت مقرر ہونے سے لاعلم نکلے

ڈاکٹروں کی تشخیص

این ڈی ٹی وی کے مطابق، پہلی بار ڈاکٹرز سے رجوع کرنے پر دل کے مسائل تو ظاہر نہ ہوئے مگر پیشاب میں پروٹین کی مقدار بہت زیادہ پائی گئی۔ دوا دے کر گھر بھیج دیا گیا، مگر علامات بڑھتی گئیں۔ تین ماہ بعد حالت اتنی خراب ہو گئی کہ اسے فوری طور پر چنگ ڈاؤ کے چِلو ہسپتال منتقل کیا گیا، جہاں آخرکار اس کی اصل بیماری کی تشخیص ہوئی۔ اس میں "روپچرڈ سائنَس آف وَلسیلوا اینیورِزم" (RSOVA) کی تشخیص ہوئی جو ایک نایاب دل کی بیماری ہے اور دنیا کی آبادی کے صرف 0.1 فیصد افراد کو لاحق ہوتی ہے۔

سرجری اور صحتیابی

میڈیکل کیس رپورٹس کے جرنل کے مطابق یہ بیماری ممکنہ طور پر شراب پینے کے بعد کسی شدید جسمانی سرگرمی کے باعث نمودار ہوئی جس سے جسم میں سیال جمع ہونے لگا اور سوجن بڑھتی گئی۔ ڈاکٹروں نے فوری طور پر سرجری کر کے اینیورِزم کو درست کیا اور مریض اب مکمل طور پر صحتیاب ہے۔ سرجری کے 18 ماہ بعد بھی اسے کسی پیچیدگی کا سامنا نہیں ہوا۔