پی آئی اے نے لاہور سے باکو کے لیے براہِ راست پروازیں شروع کرنے کا اعلان کردیا

پی آئی اے کی نئی پروازیں

کراچی (آئی این پی) قومی ایئرلائن پی آئی اے نے 20 اپریل 2025 سے لاہور سے آذربائیجان کے دارالحکومت باکو کے لیے براہِ راست پروازیں شروع کرنے کا اعلان کیا ہے۔

یہ بھی پڑھیں: پاکستان کے 5 امیر ترین اداکار اور اداکاراؤں کی تفصیلات سامنے آگئیں

پروازوں کا شیڈول

ابتدائی طور پر ہفتہ وار دو پروازوں سے آغاز کیا جائے گا جو ہر اتوار اور بدھ کے روز لاہور سے روانہ ہوں گی۔ اس نئے روٹ کے آغاز کے حوالے سے پی آئی اے کی جانب سے کراچی میں ٹریول ایجنٹس اور ٹور آپریٹرز کے اعزاز میں ایک خصوصی تقریب کا انعقاد کیا گیا تھا، جس کا مقصد باکو پروازوں کے بارے میں آگاہی فراہم کرنا اور مارکیٹ میں ان نئی پروازوں کو فروغ دینا تھا۔

یہ بھی پڑھیں: حکومت کمزور کنٹرول میں کچھ نہیں، عمران خان جیل میں رہ کر بھی بہت زیادہ مضبوط ہیں: عمر چیمہ نے کھری کھری سنا دیں

تقریب کی تفصیلات

تقریب کے دوران ٹریول ایجنٹس کو باکو کے روٹ کی اہمیت، پروازوں کے شیڈول اور سہولیات سے متعلق تفصیلی معلومات فراہم کی گئیں۔ مقررین نے کہا کہ باکو پروازیں نہ صرف سیاحت کے شعبے کو فروغ دیں گی بلکہ دونوں ممالک کے درمیان تجارتی روابط میں بھی اضافہ ہوگا۔

ٹریول ایجنٹس کا کردار

باکو روٹ کو کاروباری اور سیاحتی لحاظ سے کامیاب بنانے کے لیے ٹریول ایجنٹس کا کردار کلیدی ہے۔ پی آئی اے اس روٹ کی کامیابی کے لیے ہر ممکن کوشش کرے گا۔