پی آئی اے نے لاہور سے باکو کے لیے براہِ راست پروازیں شروع کرنے کا اعلان کردیا

پی آئی اے کی نئی پروازیں

کراچی (آئی این پی) قومی ایئرلائن پی آئی اے نے 20 اپریل 2025 سے لاہور سے آذربائیجان کے دارالحکومت باکو کے لیے براہِ راست پروازیں شروع کرنے کا اعلان کیا ہے۔

یہ بھی پڑھیں: اوکاڑہ کی اکیڈمی میں مالک نے لڑکی کو جنسی زیادتی کا نشانہ بنا ڈالا، افسوسناک انکشاف

پروازوں کا شیڈول

ابتدائی طور پر ہفتہ وار دو پروازوں سے آغاز کیا جائے گا جو ہر اتوار اور بدھ کے روز لاہور سے روانہ ہوں گی۔ اس نئے روٹ کے آغاز کے حوالے سے پی آئی اے کی جانب سے کراچی میں ٹریول ایجنٹس اور ٹور آپریٹرز کے اعزاز میں ایک خصوصی تقریب کا انعقاد کیا گیا تھا، جس کا مقصد باکو پروازوں کے بارے میں آگاہی فراہم کرنا اور مارکیٹ میں ان نئی پروازوں کو فروغ دینا تھا۔

یہ بھی پڑھیں: بجلی کی تقسیم کار کمپنیوں کی جانب سے اووربلنگ کے ذریعے 244 ارب بٹورنے کا انکشاف

تقریب کی تفصیلات

تقریب کے دوران ٹریول ایجنٹس کو باکو کے روٹ کی اہمیت، پروازوں کے شیڈول اور سہولیات سے متعلق تفصیلی معلومات فراہم کی گئیں۔ مقررین نے کہا کہ باکو پروازیں نہ صرف سیاحت کے شعبے کو فروغ دیں گی بلکہ دونوں ممالک کے درمیان تجارتی روابط میں بھی اضافہ ہوگا۔

ٹریول ایجنٹس کا کردار

باکو روٹ کو کاروباری اور سیاحتی لحاظ سے کامیاب بنانے کے لیے ٹریول ایجنٹس کا کردار کلیدی ہے۔ پی آئی اے اس روٹ کی کامیابی کے لیے ہر ممکن کوشش کرے گا۔