سلمان خان کی گاڑی کو بم سے اڑادیں گے: سپر سٹار کو نئی دھمکی مل گئی

سلمان خان کو بم سے اڑانے کی دھمکی

ممبئی (ڈیلی پاکستان آن لائن) بالی وڈ سپر سٹار سلمان خان کی گاڑی کو بم سے اڑادینے کی نئی دھمکی موصول ہوئی ہے۔

یہ بھی پڑھیں: جرمنی سے ملنے والی 1800 سال پرانی ایسی چیز جو یورپ میں عیسائیت کی تاریخ بدل سکتی ہے

دھمکی آمیز پیغام

نجی ٹی وی جیو نیوز نے بھارتی میڈیا رپورٹس کے حوالے سے بتایا کہ آج صبح نامعلوم شخص کی جانب سے ممبئی ٹریفک پولیس کے ہیلپ لائن نمبر پر ایک دھمکی آمیز پیغام موصول ہوا ہے۔

یہ بھی پڑھیں: شہریوں کو موبائل فون پر موسمی صورتحال کی پیشگی اطلاع دی جائے، وزیراعظم کی ہدایت

پیغام کی تفصیلات

دھمکی آمیز ٹیکسٹ میں نامعلوم شخص کا کہنا تھا کہ ’اداکار سلمان خان کو ان کے گھر میں گھس کر ماردیا جائے گا حتیٰ کہ ان کی گاڑی کو بم سے اڑا دیا جائے گا‘۔

یہ بھی پڑھیں: پاک چین فضائیہ کے درمیان مشق انڈس شیلڈ 2024ء مکمل، پیپلز لبریشن آرمی ایئر فورس نے جدید ٹیکنالوجی کے حامل آلات کے ساتھ حصہ لیا

پولیس کی کارروائی

پولیس کے مطابق دھمکی آمیز ٹیکسٹ کے خلاف ایف آئی آر درج کر لی گئی ہے اور اس کی تحقیقات جاری ہیں۔

یہ بھی پڑھیں: محمد رضوان نے دوسرے ٹی ٹوئنٹی میچ میں شکست کی وجہ بتا دی

سلمان خان کی موجودہ رہائش

واضح رہے کہ سلمان خان ان دنوں اپنے خاندان کے ہمراہ ممبئی کے علاقے باندرہ میں گلیکسی اپارٹمنٹس میں رہائش پذیر ہیں۔

پہلی دھمکی نہیں

گزشتہ برس سلمان خان کے اسی گھر پر بشنوئی گینگ سے منسلک شوٹرز نے فائرنگ کی تھی جس کے بعد اداکار کے گھر کی سکیورٹی بڑھا دی گئی تھی۔ دلچسپ بات یہ ہے کہ گزشتہ 2 سالوں میں سلمان خان کو 5 ویں مرتبہ جان سے مار دینے کی دھمکی موصول ہوئی ہے۔