انفراسٹرکچر کی ڈویلپمنٹ ترجیحی بنیادوں پر کی جا رہی ہے: معاون خصوصی راشد اقبال نصر اللہ

معاون خصوصی کا دورہ

لاہور (ڈیلی پاکستان آن لائن) معاون خصوصی وزیر اعلیٰ پنجاب راشد اقبال نصر اللہ نے نشتر اور گلبرگ زون کا دورہ کیا۔

یہ بھی پڑھیں: لاہور میں احتجاج اور جلاو گھیراؤ: سلمان اکرم راجہ کی عبوری ضمانت منظور!

ترقیاتی کاموں کا جائزہ

وزیر اعلیٰ پنجاب کی ہدایت پر معاون خصوصی نے لاہور ڈویلپمنٹ پلان کے تحت جاری ترقیاتی کاموں کا جائزہ لیا۔ اسسٹنٹ کمشنر نے راشد اقبال نصر اللہ کو ترقیاتی سکیموں میں پیش رفت کے بارے میں تفصیلی بریفنگ دی۔

تعمیراتی منصوبوں کے بارے میں ہدایات

راشد اقبال نصر اللہ کا کہنا تھا کہ وزیر اعلیٰ پنجاب کی ہدایات کے مطابق تعمیر کا کام بروقت مکمل کیا جائے۔ نکاسیٔ آب اور انفراسٹرکچر کی ڈویلپمنٹ ترجیحی بنیادوں پر کی جا رہی ہے۔ لاہور شہر کی صفائی ستھرائی اور تعمیر و ترقی کیلئے اقدامات کیے جا رہے ہیں۔ وزیر اعلیٰ پنجاب کی قیادت میں انفراسٹرکچر کی تعمیر و بحالی کے لیے انقلابی اقدامات کیے جا رہے ہیں۔