وزیراعظم سیکرٹریٹ، پارلیمنٹ لاجز، چیئرمین سینیٹ آفس سمیت اربوں روپے کے بجلی بل نادہندگان میں شامل

اسلام آباد میں بجلی بلوں کے نادہندگان

اسلام آباد (ڈیلی پاکستان آن لائن) وفاقی و صوبائی ادارے بجلی بلوں میں اسلام آباد الیکٹرک سپلائی کمپنی (آئیسکو) کے 23 ارب روپے سے زائد کے نادہندہ نکلے۔ وزیراعظم سیکرٹریٹ، پارلیمنٹ لاجز، اور چیئرمین سینیٹ آفس بھی بجلی بل نادہندگان میں شامل ہیں۔

یہ بھی پڑھیں: ولادیمیر پیوٹن نے نومبر میں وزیر اعظم شہبازشریف کو دورہ روس کی دعوت دے دی

نادہندگی کی تفصیلات

روز نامہ جنگ نے دستاویزات کے حوالے سے بتایا کہ وفاقی ادارے آئیسکو کے مجموعی طور پر 19 ارب 63 کروڑ 40 لاکھ روپے کے ڈیفالٹر ہیں۔ صوبائی ادارے بجلی بلوں کی مد میں آئیسکو کے 3 ارب 49 کروڑ 10 لاکھ روپے کے نادہندہ ہیں۔

یہ بھی پڑھیں: مولانا فضل الرحمان کا اپنے ارکان سمیت ایوان سے واک آؤٹ

بجلی بلوں کی بڑی رقوم

دفاع کے اداروں نے سب سے زیادہ 6 ارب 65 کروڑ 90 لاکھ روپے آئیسکو کو دینے ہیں۔ کیپٹل ڈویلپمنٹ اتھارٹی (سی ڈی اے) بجلی بلوں کی مد میں آئیسکو کا 5 ارب 93 کروڑ 70 لاکھ کا نادہندہ ہے، وزیراعظم سیکرٹریٹ بجلی بلوں کی مد میں 21 کروڑ 70 لاکھ روپے کا نادہندہ ہے، اور چیئرمین سینیٹ آفس 8 کروڑ 80 لاکھ روپے کا نادہندہ نکلا۔ پارلیمنٹ لاجز بھی آئیسکو کا 12 کروڑ 70 لاکھ روپے کا نادہندہ ہے۔

یہ بھی پڑھیں: لندن میں پاکستان پیپلز پارٹی برطانیہ کے زیر اہتمام، افواج پاکستان کی کامیابی اور جنرل عاصم منیر کے فیلڈ مارشل بننے کی خوشی میں یوم تشکر کے حوالے سے تقریب، افواج پاکستان کے حق میں نعرہ بازی

دیگر اداروں کی نادہندگی

آئیسکو دستاویزات میں کہا گیا ہے کہ وزارت داخلہ بجلی بلوں کی مد میں 24 کروڑ 40 لاکھ روپے کی نادہندہ ہے۔ کینٹ بورڈ چکلالہ بجلی بلوں کی مد میں 2 ارب روپے سے زائد کا نادہندہ ہے، اور واسا نے بجلی بلوں کی مد میں آئیسکو کو 1 ارب 87 کروڑ 70 لاکھ روپے دینے ہیں۔

دیگر وزارتیں بھی شامل

پنجاب پولیس نے آئیسکو کو 18 کروڑ 60 لاکھ روپے دینے ہیں، جبکہ ایف آئی اے بجلی بلوں کی مد میں آئیسکو کا 3 کروڑ 30 لاکھ روپے کا نادہندہ ہے۔ وزارت تعلیم، وزارت صحت، اور وزارت ریلوے سمیت دیگر کئی ادارے بھی آئیسکو کے نادہندگان کی فہرست میں شامل ہیں۔