حافظ آباد: زہریلی مٹھائی کھانے سے 3 بچے جاں بحق

حافظ آباد میں زہریلی مٹھائی کا واقعہ

حافظ آباد (ڈیلی پاکستان آن لائن) پنجاب کے شہر حافظ آباد میں مبینہ طور پر زہریلی مٹھائی کھانے سے 3 مسیحی بچے جاں بحق ہوگئے۔

یہ بھی پڑھیں: عمران خان کا ٹوئٹر اکاونٹ منظم پراپیگنڈا کیلئے استعمال کیا جا رہا ہے: فیصل واوڈا

واقعہ کی تفصیلات

نجی ٹی وی جیو نیوز نے پولیس کے حوالے سے بتایا کہ افسوسناک واقعہ حافظ آباد کے علاقے قلعہ صاحب سنگھ میں پیش آیا۔

یہ بھی پڑھیں: بھارت میں تباہی مچانے والے پاکستان کے فتح میزائل کی خصوصیات

حفاظتی اقدامات اور طبی امداد

ڈپٹی کمشنر عبدالرزاق اور ڈی پی او عاطف نذیر نے میڈیا سے بات چیت کرتے ہوئے بتایا کہ مسیحی بچوں نے مبینہ طور پر زہریلی مٹھائی کھائی جس سے ان کی حالت غیر ہوگئی۔ ہسپتال منتقل کرنے پر 3 بچے دم توڑ گئے جبکہ 5 متاثرہ بچوں کو بہتر علاج و معالجے کے لئے لاہور ہسپتال منتقل کردیا گیا ہے۔

یہ بھی پڑھیں: پاک، بھارت اصل مسئلہ دہشتگردی نہیں خطے کی غربت اور کشمیریوں کے حقوق کو تسلیم نہ کیا جانا ہے، دل سے ایک دوسرے کو آزاد ممالک تسلیم کرنا ہو گا

متاثرہ بچوں کا پس منظر

قلعہ صاحب سنگھ کے رہائشی مسیحی افراد کے مطابق ان کے 8 بچے اپنے گھروں کے باہر کھیل رہے تھے، جہاں انہیں مبینہ طور پر کسی نے زہریلی مٹھائی کھلا دی۔ جب بچے گھروں کو واپس آئے تو ان کی حالت تشویشناک ہوگئی۔