شیخوپورہ میں بھی غیرملکی فوڈ چین کے ریسٹورنٹ پر مسلح افراد کا حملہ، فائرنگ سے ملازم جاں بحق

شیخوپورہ میں مسلح حملہ

شیخوپورہ (آئی این پی) — شیخوپورہ میں غیرملکی فوڈ چین کے ریسٹورنٹ پر گزشتہ شب مسلح افراد نے حملہ کیا جس کے نتیجے میں ایک شخص جاں بحق ہوگیا۔

یہ بھی پڑھیں: ٹاپ بیورو کریسی کیلئے اچھی خبر آ گئی

تفصیلات

پولیس کے مطابق لاہور بائی پاس چوک میں واقع بین الاقوامی فوڈچین کے ہوٹل میں گزشتہ رات 2 نامعلوم موٹرسائیکل سواروں نے فائرنگ کی، جس میں ہوٹل کے ملازم آصف نواز کو قتل کر دیا۔ ملزمان فائرنگ کے بعد فرار ہوگئے۔ پولیس کا کہنا ہے کہ حملہ آوروں کی فائرنگ سے ہوٹل کے شیشے بھی ٹوٹ گئے تھے۔ مقتول آصف نواز کی عمر 45 سال تھی اور وہ بستی خان کالونی کا رہائشی تھا۔

یہ بھی پڑھیں: جیل میں ٹی وی ملتا ہے لیکن چلتا صرف پی ٹی وی ہے ، اخبار نہیں ملتا، ہم سے پوچھو تم نے ہمیں جیل بھیجا تھا : خواجہ آصف

مقتول کی آخری لمحے کی صورتحال

پولیس کے مطابق آصف نواز چھٹی پر ہونے کے باوجود رات کو یہاں پہنچا۔ وہ فوڈ چین کے دروازے پر کھڑا تھا کہ اچانک فائرنگ کی گئی، جس سے وہ زخمی ہوگیا۔ وہ فوڈ چین کے اندر کی طرف بھاگا لیکن جاں بر نہ ہوسکا۔ مقتول کی لاش کا پوسٹمارٹم کر کے ورثا کے حوالے کر دی گئی، جسے نماز جنازہ کے بعد مقامی قبرستان میں سپردِ خاک کر دیا گیا۔

یہ بھی پڑھیں: پاک ترک اعلیٰ عسکری قیادت کی ملاقات، ترک وزارت دفاع نے پاکستان کو ’برادر ملک‘ قرار دیا

مقدمہ اور تحقیقات

تھانہ ہاسنگ کالونی پولیس نے دو نامعلوم ملزمان کے خلاف ایس ایچ او کی مدعیت میں مقدمہ درج کر لیا ہے، جس میں قتل، ہوٹل پر حملہ، اور انسداد دہشتگردی ایکٹ کی دفعات شامل ہیں۔

فارنزک اور پولیس کی کارروائیاں

پنجاب فارنزک اور پولیس کرائم سین کی ٹیموں نے شواہد اکٹھے کر کے ملزمان کی تلاش شروع کر دی ہے۔ ڈی پی او شیخوپورہ بلال ظفر نے جیو نیوز کو بتایا کہ فوڈ چین کے باہر مظاہرے کیے گئے، جن میں اسے بند کرنے کا مطالبہ کیا گیا تھا۔ پولیس نے قتل کے بعد 25 سے زائد مشتبہ افراد کو حراست میں لے لیا ہے، جن میں زیادہ تر کا تعلق ایک مذہبی جماعت سے ہے۔ مظاہرے میں متحرک اور اشتعال دلانے والوں پر بھی نظر رکھی جا رہی ہے۔